ମୁମ୍ବାଇ: ଅଜୟ ଦେବଗନଙ୍କ ଆଗାମୀ ଫିଲ୍ମ 'ଦେ ଦେ ପ୍ୟାର ଦେ' ଚଳିତମାସ 17ତାରିଖରେ ରିଲିଜ ହେବାକୁ ଯାଉଛି । ଏହି ଫିଲ୍ମରେ ଦର୍ଶକଙ୍କୁ କମେଡି ସହ ରୋମାନ୍ସର ତଡକା ମଧ୍ୟ ଦେଖିବାକୁ ମିଳିବ । ଫିଲ୍ମଟି ରିଲିଜ ହେବାକୁ ଆଉ ଦୁଇ ସପ୍ତାହ ଅଛି, ଇତିମଧ୍ୟରେ ଅଜୟ ଫିଲ୍ମର ଏକ ନୂଆ ପୋଷ୍ଟର ଜାରି କରିଛନ୍ତି ।
ନୂଆ ପୋଷ୍ଟରଟି ପୂର୍ବରୁ ରିଲିଜ ହୋଇଥିବା ପୋଷ୍ଟର ପରି ଦେଖାଯାଇଛି । ପୂର୍ବ ପୋଷ୍ଟରରେ ଅଜୟ, ରକୁଲ ପ୍ରୀତ ସିଂହ ଓ ତବ୍ବୁଙ୍କ ମଝିରେ କାରରେ ଝୁଲୁଥିବାର ନଜର ଆସିଥିଲେ । ସେହିପରି ନୂଆ ପୋଷ୍ଟରେ ଅଜୟ ସ୍କୁଟର ଚଲାଇବା ସହ ଗୋଟିଏ ପଟେ ରକୁଲ ଓ ତବ୍ବୁଙ୍କୁ ବସାଇଛନ୍ତି, ପୋଷ୍ଟରରେ ଅଜୟଙ୍କ ଚେହେରାର ଏକ୍ସପ୍ରେଶନ ଗମ୍ଭୀର ଥିବାବେଳେ ରକୁଲ ଓ ତବ୍ବୁ ହସୁଥିବାର ନଜର ଆସୁଛନ୍ତି ।
ପୋଷ୍ଟରଟିକୁ ଅଜୟ ସୋସିଆଲ ମିଡିଆରେ ଫ୍ୟାନ୍ସଙ୍କ ପାଇଁ ସେୟାର କରି କ୍ୟାପସନରେ ଲେଖିଛନ୍ତି, "The countdown is on! weeks until." ପ୍ରକାଶ ଥାଉକି ନିକଟରେ ରିଲିଜ ହୋଇଥିବା 'ଦେ ଦେ ପ୍ୟାର ଦେ'ର ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିଥିଲେ । ଗତ ଗୁରୁବାର ଦିନ ଫିଲ୍ମର ଏକ ଇମୋଶନାଲ ଗୀତ ରିଲିଜ ହୋଇଥିଲେ । ଯେଉଁଥିରେ ରକୁଲ ଓ ଅଜୟ ପରସ୍ପର ପ୍ରେମରେ ଇମୋଶନାଲ ହୋଇଥିବାର ଦେଖାଯାଇଥିଲେ ।
