ମୁମ୍ବାଇ: ବି-ଟାଉନର ସିଂଘମ ଅଜୟ ଦେବଗନ ଓ କାଜୋଲ ସବୁବେଳେ ନିଜ ସନ୍ତାନ ନ୍ୟାସା ଓ ୟୁଗଙ୍କୁ ଗ୍ଲାମରସ ଦୁନିଆର ଆଲୋକ ଏବଂ ମିଡିଆ କ୍ୟାମେରା ଠାରୁ ଦୂରେଇ ରଖନ୍ତି । ଇତିମଧ୍ୟରେ ଅଜୟ ଆଜମେର ସରିଫ ଦରଘାରେ ନଜର ଆସିଛନ୍ତି। ତାଙ୍କ ସହ ଲାଡଲା ୟୁଗ ମଧ୍ୟ ଦେଖାଯାଉଛନ୍ତି। ମୁଖ୍ୟ କଥା ହେଲା କି ସେଠାରେ ପହଞ୍ଚିବା ମାତ୍ରେ ଅଜୟଙ୍କୁ ଫ୍ୟାନ୍ସ ଘେରିଯାଇଥିଲେ । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ଭିଡିଓରେ ଅଜୟ ଭିଡ ମଧ୍ୟରୁ ପୁଅ ୟୁଗଙ୍କୁ ସୁରକ୍ଷିତ ଭାବେ ନେଉଥିବାର ନଜର ଆସୁଛନ୍ତି । ଏହାସହ ସେ ଜନସାଧାରଣଙ୍କୁ ଦୂରେଇ ରହିବାକୁ ମଧ୍ୟ କହୁଥିବାର ଦେଖାଯାଉଛନ୍ତି। ଭିଡ ଦେଖି ସିଂଘମ ରାଗି ଯାଇଛନ୍ତି। ତାଙ୍କୁ ଭିଡ ମଧ୍ୟରୁ ସୁରକ୍ଷା ଦେଇଥିଲେ ସେଠାକାର ପୋଲିସ । ତଥାପି ଏହି ଭିଡରେ ଅଜୟଙ୍କୁ ଫ୍ୟାନ୍ସଙ୍କ ଧକ୍କା ଖାଇବାକୁ ପଡିଥିଲା।
ପ୍ରକାଶ ଥାଉକି ଅଜୟ ଶେଷଥର କେମଡି, ଡ୍ରାମା ଫିଲ୍ମ ‘ଦେ ଦେ ପ୍ୟାର ଦେ’ରେ ନଜର ଆସିଥିଲେ । ଏହି ଫିଲ୍ମରେ ରକୁଲ ପ୍ରୀତ ସିଂ ଓ ତବ୍ବୁ ତାଙ୍କ ଅପୋଜିଟ ଅଭିନୟ କରିଥିଲେ । ଏହାବ୍ୟତୀତ ସେ ଖୁବଶୀଘ୍ର ‘ତାନାଜୀ ଦ ଅନସଙ୍ଗ ୱାରିୟର’ ନେଇ ଦର୍ଶକଙ୍କ ସାମ୍ନାକୁ ଫେରିବେ ।
