ମୁମ୍ବାଇ: ସୁପରଷ୍ଟାର ସଲମାନ ଖାନଙ୍କ ଛୋଟ ପରଦାର ରିୟାଲିଟି ଶୋ ବି ବସ ସିଜନ 13ର ସବୁ ୱିକେଣ୍ଡ କା ୱାରରେ ବଲିଉଡ ସେଲିବ୍ରିଟିଙ୍କୁ ଦେଖିବାକୁ ପାଇଥାନ୍ତି ଦର୍ଶକ। ସେଲିବ୍ରିଟି ବିଗ ବସ ସେଟରେ ଖୁବ୍ ମଜାମସ୍ତି ମଧ୍ୟ କରନ୍ତି । ଏହି ସପ୍ତାହରେ ବିଗ ବସ ମଞ୍ଚରେ ବଲିଉଡର ମୋଷ୍ଟ ରୋମାଣ୍ଟିକ ଓ ଏଭରଗ୍ରୀନ ଯୋଡି କାଜୋଲ ଓ ଅଜୟ ଦେବଗନ ନଜର ଆସିବେ । ଏହି ଯୋଡି ନିଜ ଆଗାମୀ ଫିଲ୍ମ ‘ତାନାଜୀ’ର ପ୍ରମୋଶନ ପାଇଁ ବିଗ ବସ ମଞ୍ଚରେ ଦେଖାଯିବେ। ସେହିପରି ଅଜୟ ନିଜ ପୁରୁଣା ବନ୍ଧୁ ସଲମାନଙ୍କ ସହ ମିଶି ଖୁବ୍ ମସ୍ତି ମଧ୍ୟ କରିବେ । ଯାହାର ପ୍ରୋମୋ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି ।
କଲର୍ସ ନିଜ ସୋସିଆଲ ମିଡିଆ ଆକାଉଣ୍ଟରେ ଶୋର ଏହି ପ୍ରୋମୋ ଭିଡିଓ ସେୟାର କରିଛି । ଭିଡିଓରେ ସଲମାନ, କାଜୋଲ ଓ ଅଜୟଙ୍କ ସହ ଏକ ଗେମ ଖେଳୁଥିବାର ନଜର ଆସୁଛନ୍ତି । ଗେମ ସମୟରେ କାଜୋଲ ନିଜ କାନରେ ହେଡଫୋନ ଲଗାଇବେ ଓ ଅଜୟ ଡାଇଲଗ କହିବେ, କାଜୋଲ ତାହାକୁ ସଠିକ୍ ରୂପେ କହିବେ ।
ଏହି ଖେଳ ସମୟରେ ଅଜୟଙ୍କ କୌଣସି ମଧ୍ୟ ଶବ୍ଦକୁ କାଜୋଲ ବୁଝିପାରୁନାହାଁନ୍ତି । ଆଉ ମସ୍ତିମୁଡରେ ସ୍ବାମୀଙ୍କୁ ଚାପୁଡା ମଧ୍ୟ ମାରୁଥିବାର ଦେଖାଯାଉଛନ୍ତି । ଯାହାକୁ ନେଇ ଖୁବ୍ ହସୁଛନ୍ତି ସଲମାନ ଓ ଅଜୟ ।
