ମୁମ୍ବାଇ: ଦୁଇବର୍ଷ ପୂର୍ବେ ଫିଲ୍ମ 'ହାଫ ଗର୍ଲଫ୍ରେଣ୍ଡ' ଜରିଆରେ ବକ୍ସଅଫିସରେ ଧମାଲ କରିଥିବା ନିର୍ଦ୍ଦେଶକ ମୋହିତ ସୁରୀ ଏବେ ନିଜ ନୂଆ ପ୍ରୋଜେକ୍ଟକୁ ନେଇ ବହୁତ ବ୍ୟସ୍ତ । ମୋହିତ ଆଗାମୀ ଫିଲ୍ମରେ ଆଦିତ୍ୟ ରୟ କପୁର ଓ ଦିଶା ପଟାନୀଙ୍କୁ ନେଇ ଫିଲ୍ମ କରିବା କଥା ଶୁଣିବାକୁ ମିଳିଥିବାବେଳେ ଆଜି କିନ୍ତୁ ଫିଲ୍ମର ନାମ, ସମ୍ପୂର୍ଣ୍ଣ କାଷ୍ଟ ଓ ରିଲିଜ ଡେଟ ଘୋଷଣା କରାଯାଇଛି ।
ପ୍ରଖ୍ୟାତ ଫିଲ୍ମ କ୍ରିଟିକ୍ସ ତରଣ ଆଦର୍ଶ ନିଜ ସୋସିଆଲ ମିଡିଆ ଆକାଉଣ୍ଟରେ ଗୋଟିଏ ଫଟୋ ପୋଷ୍ଟ କରି ଶୀର୍ଷକରେ ଲେଖିଛନ୍ତି, 'ଅନିଲ କପୁର, ଆଦିତ୍ୟ ରାୟ କପୁର, ଦିଶା ପଟାନୀ ଓ କୁନାଲ ଖେମୁଙ୍କ ଷ୍ଟାରର ଫିଲ୍ମ 'ମଲଙ୍ଗ', ଯାହାକି ଗୋଟିଏ ପ୍ରତିଶୋଧ ମୂଳକ ଡ୍ରାମା । ମୋହିତ ସୂରୀଙ୍କ ନିର୍ଦ୍ଦେଶିତ, ଭୂଷଣ କୁମାର, ଲଭ ରଞ୍ଜନଙ୍କ ପ୍ରଯୋଜିତ ଫିଲ୍ମଟି 2020 ଭାଲେଣ୍ଟାଇନ ଡେ ଅବସରରେ ରିଲିଜ କରାଯିବ।'
ତେବେ ଦିଶା, ସଲମାନଙ୍କ ସହ ’ଆଗାମୀ ଫିଲ୍ମ 'ଭାରତ'ରେ ନଜର ଆସୁଥିବାବେଳେ ଆଦିତ୍ୟ ମଧ୍ୟ ଆଗାମୀ ମଲ୍ଟିଷ୍ଟାରର ଫିଲ୍ମ 'କଲଙ୍କ'ରେ ନଜର ଆସିବେ । ପ୍ରକାଶ ଥାଉକି, ଫିଲ୍ମ 'ମଲଙ୍ଗ' ଜରିଆରେ ଦିଶା ଓ ଆଦିତ୍ୟ ପ୍ରଥମଥର ପାଇଁ ପରଦାରେ ଏକାଠି ନଜର ଆସିବେ ।
