ମୁମ୍ବାଇ: ହ୍ୟାଣ୍ଡସମ ଆକ୍ଟର ଆଦିତ୍ୟ ରଏ କପୁର ଓ ଦିଶା ପଟାନୀଙ୍କ ଚର୍ଚ୍ଚିତ ଫିଲ୍ମ ‘ମଲଙ୍ଗ’ର ରୋମାଣ୍ଟିକ ଗୀତ ‘ଚଲ ଘର ଚଲେ’ ନିକଟରେ ରିଲିଜ ହୋଇଥିଲା । ଯାହାକୁ ଖୁବ୍ ପସନ୍ଦ କରିଥିଲେ ଦର୍ଶକ । ଇତିମଧ୍ୟରେ ଦର୍ଶକଙ୍କ ଏକ୍ସାଇଟମେଣ୍ଟ ବଢାଇ ଦେଇଛି ଫିଲ୍ମର ଟାଇଟଲ ଟ୍ରାକ ସଙ୍ଗ ‘ମଲଙ୍ଗ’। ଯାହା ଗୁରୁବାର ରିଲିଜ ହୋଇଯାଇଛି । ଗୀତରେ ଦିଶା ଓ ଆଦିତ୍ୟଙ୍କ ବୋଲ୍ଡ କେମେଷ୍ଟ୍ରି ଦେଖିବାକୁ ମିଳୁଛି । ଟାଇଟଲ ଟ୍ରାକରେ ଦିଶା ଓ ଆଦିତ୍ୟଙ୍କ ଭୂମିକାର ଝଲକ ମଧ୍ୟ ନଜର ଆସୁଛି ।
‘ମଲଙ୍ଗ’ର ଏହି ଗୀତ ଏକ ମେଲୋଡି ସଙ୍ଗ । ଗୀତର ଲିରିକ୍ସ କୁନାଲ ବର୍ମା ଓ ହର୍ଷ ଲିମ୍ବାଚିୟା ଲେଖିଛନ୍ତି । ସେହିପରି ଗୀତକୁ ଗାଇଛନ୍ତି ବେଦ ଶର୍ମା । ଆପଣ ମଧ୍ୟ ଦେଖନ୍ତୁ ଆଦିତ୍ୟ ଓ ଦିଶାଙ୍କ ଶାନଦାର କେମେଷ୍ଟ୍ରି...
- " class="align-text-top noRightClick twitterSection" data="">
ମଲ୍ଟି ଷ୍ଟାରର ଫିଲ୍ମ ‘ମଲଙ୍ଗ’ରେ ଲଭଷ୍ଟୋରି ସହ ଆକ୍ସନ, ଥ୍ରିଲର ମଧ୍ୟ ଦେଖିବାକୁ ମିଳିବ । ଫିଲ୍ମରେ ଦିଶା ଓ ଆଦିତ୍ୟଙ୍କ ବ୍ୟତୀତ ଅନିଲ କପୁର, କୁନାଲ ଖେମୁ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଆସନ୍ତା ମାସ 7 ତାରିଖରେ ରିଲିଜ ହେବାକୁ ଯାଉଛି । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି ମୋହିତ ସୁରୀ । ଯାହାର ପ୍ରଯୋଜନା କରିଛନ୍ତି ଭୂଷଣ କୁମାର, କ୍ରିଷ୍ଣା କୁମାର, ଲଭ ରଞ୍ଜନ, ଅଙ୍କୁର ଗର୍ଗ ଦ୍ବାରା ନିର୍ମିତ ଏହି ଫିଲ୍ମ ।
