ହାଇଦ୍ରାବାଦ: ଅଭିନେତା ଆଦିତ୍ୟ ପାଞ୍ଚୋଲିଙ୍କୁ ଦୁଷ୍କର୍ମ ମାମଲାରେ ମିଳିଛି ଅନ୍ତରୀଣ ଜାମିନ । ଜୁଲାଇ 19 ପର୍ଯ୍ୟନ୍ତ ମିଳିଛି ଜାମିନ । ଦୁଷ୍କର୍ମ ମାମଲାରେ ଗିରଫ ହୋଇଥିବା ଏହି ଅଭିନେତାଙ୍କୁ ଦିନଦୋଷୀ ସେସନ କୋର୍ଟ ଜାମିନ ଦେଇଛି ।
ଆଦିତ୍ୟ ପ୍ରଥମେ ଜାମିନ ପାଇଁ ଆବେଦନ କରିଥିଲେ । ଆବେଦନର ଦିନକ ପରେ ତାଙ୍କୁ ଜାମିନ ମିଳିଛି । ପ୍ରକାଶଥାଉକି, ଜୁନ ମାସରେ ବଲିଉଡ ଅଭିନେତ୍ରୀ କଙ୍ଗନା ରଣାୱତ ଆଦିତ୍ୟଙ୍କ ବିରୋଧରେ ଏକ ମାମଲା ରୁଜୁ କରିଥିଲେ । ଏହାପରେ ମୁମ୍ବାଇ ପୋଲିସ ଆଦିତ୍ୟଙ୍କୁ ଗିରଫ କରିଥିଲା ।
ଆଦିତ୍ୟଙ୍କ ଉପରେ ଆଇପିସି ଧାରା 376 (ଦୁଷ୍କର୍ମ ପାଇଁ), 328 (ବିଷ ଦ୍ବାରା କ୍ଷତି ପହଞ୍ଚାଇବା), 384 (ଜବରଦସ୍ତ କରିବା), 341(ଖରାପ ସମ୍ପର୍କ), 342 (ଖରାପ କାମ), 323 (ଶରୀର ପ୍ରତି କ୍ଷତି ପହଞ୍ଚାଇଥିବା), 506( ଅପରାଧିକ ଆଚରଣ) ଲାଗିଛି । ଅଭିନେତ୍ରୀ ନିଜ ଷ୍ଟେଟମେଣ୍ଟକୁ ରେକର୍ଡ କରି ବର୍ସୋଭା ପୋଲିସ ଷ୍ଟେସନରେ ଅଭିଯୋଗ କରିଥିଲେ । ଏହାପୂର୍ବରୁ ମଧ୍ୟ କଙ୍ଗନା ଅଭିଯୋଗ ଆଣିଥିଲେ ।
