ମୁମ୍ବାଇ: ବିଦ୍ୟା ବାଲନଙ୍କ ଅପକମିଂ ଫିଲ୍ମ ‘ଶକୁନ୍ତଳା ଦେବୀ’ ଦେଖିବାକୁ ଏକ୍ଟାଇଡେଟ ଦର୍ଶକ। ନିକଟରେ ଏହି ଫିଲ୍ମର ଜବରଦସ୍ତ ଟ୍ରେଲର ରିଲିଜ କରାଯାଇଥିଲା । ଯାହା ଦର୍ଶକଙ୍କ ମନ କିଣିଥିଲା । ଆଉ ଏବେ ଏବେ ଫିଲ୍ମର ପ୍ରଥମ ଗୀତ ରିଲିଜ ହୋଇଯାଇଛି । ଫିଲ୍ମର ଗୀତ ‘ପାସ ନେହିଁ ତୋ ଫେଲ ନେହିଁ’ରେ ପିଲାଙ୍କ ସହ ମସ୍ତି କରୁଥିବାର ନଜର ଆସୁଛନ୍ତି ବିଦ୍ୟା। ସେହିପରି ଗୀତଟିକୁ ଗାଇଛନ୍ତି ଲୋକପ୍ରିୟ ଗାୟିକା ସୁନିଧି ଚୌହାନ । ଆଉ ଗୀତର ଲିରିକ୍ସ ଲେଖିଛନ୍ତି ବାୟୁ।
2 ମିନିଟ 27 ସେକେଣ୍ଡର ଏହି ଗୀତରେ ବିଦ୍ୟା ସଙ୍ଗୀତ ସହ ପିଲାଙ୍କୁ ଗଣିତ ପଢାଉଛନ୍ତି । ପ୍ରକାଶ ଥାଉକି ହ୍ୟୁମାନ କମ୍ପ୍ୟୁଟର ଶକୁନ୍ତଳା ଦେବୀଙ୍କ ଜୀବନ ଉପରେ ଆଧାରିତ ଏହି ଫିଲ୍ମ। ଯେଉଁଥିରେ ଶକୁନ୍ତଳା ଦେବୀଙ୍କ ଭୂମିକାରେ ଅଭିନୟ କରୁଛନ୍ତି ବିଦ୍ୟା।
- " class="align-text-top noRightClick twitterSection" data="">
ଫିଲ୍ମରେ ବିଦ୍ୟାଙ୍କ ଝିଅ ଭୂମିକାରେ ନଜର ଆସିବେ ଦଙ୍ଗଲ ଗାର୍ଲ ସନୟା ମଲହୋତ୍ରା । ସେହିପରି ଜୀଶୁ ସେନଗୁପ୍ତା ଓ ଅମିତ ସାଧ ମଧ୍ୟ ଫିଲ୍ମରେ ଦେଖାଯିବେ। ଅନୁ ମେନନଙ୍କ ନିର୍ଦ୍ଦେଶନାରେ ନିର୍ଦ୍ଦେଶିତ ‘ଶକୁନ୍ତଳା ଦେବି’ ଏମାସ 31 ତାରିଖରେ ଆମାଜନ ପ୍ରାଇମରେ ରିଲିଜ ହେବାକୁ ଯାଉଛି ।
