ମୁମ୍ବାଇ: ସାରା ଅଲ୍ଲୀ ଖାନ ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଅଭିନୀତ ଫିଲ୍ମ ‘କେଦାରନାଥ’ ଜରିଆରେ ବଲିଉଡରେ ଡେବ୍ୟୁ କରିଥିଲେ । ଫିଲ୍ମରେ ଦୁଇଜଣଙ୍କ କେମେଷ୍ଟ୍ରି ଓ ଅଭିନୟ ଦର୍ଶକଙ୍କ ଖୁବ୍ ମନ କିଣିଥିଲା । ହେଲେ ଏବେ ସାରା-ସୁଶାନ୍ତଙ୍କ ରିଲେସନଶିପକୁ ନେଇ ଚର୍ଚ୍ଚା ଜୋର ଧରିଛି । ନିକଟରେ ସୁଶାନ୍ତଙ୍କ ବନ୍ଧୁ ସାମୁଏଲ ଦୁଇଜଣଙ୍କ ରିସେଲନଶିପ ବିଷୟରେ ସୋସିଆଲ ମିଡିଆରେ ଖୁଲାସା କରିଥିଲେ । ଯାହାକୁ ନେଇ ଏବେ ଚର୍ଚ୍ଚା । ଇତିମଧ୍ୟରେ ଆଉ ଏକ ଖବର ଶୁଣିବାକୁ ମିଳୁଛି ।
କଥାଟି ହେଲା ଯେ ଏକଦା ଏମିତି ସମୟ ଥିଲା ଯେବେ ସାରା ଓ ସୁଶାନ୍ତଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀ ପରସ୍ପରର ଭଲ ବନ୍ଧୁ ଥିଲେ । 2017ରେ ଏହି ଦୁଇଜଣଙ୍କକୁ ଅନେକଥର ଏକାଠି ଦେଖିବାକୁ ମିଳିଥିଲା । ଦୁଇଜଣ ପ୍ରାୟତଃ ଏକାଠି ପାର୍ଟି କରୁଥିଲେ, ଜିମ ଯାଉଥିଲେ । ହେଲେ ଏମିତି ସମୟ ଆସିଥିଲା ଯେବେ ଦୁଇଜଣଙ୍କୁ ଆଉ ଏକାଠି ଦେଖିବାକୁ ମିଳିଲାନାହିଁ ।
ଦୁଇଜଣଙ୍କ ବନ୍ଧୁତ୍ବ ଭାଙ୍ଗିବା କଥା ନିକଟରେ ଏକ ସାକ୍ଷାତକାରରେ କହିଥିଲେ ସାମୁଏଲ । ସେ ଜଣାଇଥିଲେ, ‘ମୁଁ ସୁଶାନ୍ତଙ୍କ ସହ ଥିବା ସମୟରେ ତାଙ୍କ ସହ ବ୍ରେକଅପ କରିଥିଲେ ସାରା । ଏହାର କିଛି ମାସ ପରେ ସୁଶାନ୍ତଙ୍କ ଜୀବନରେ ରିଆ ଆସିଥିଲେ । ହେଲେ ମତେ ସବୁବେଳେ ଲାଗୁଥିଲା ଯେ ସୁଶାନ୍ତ, ସାରାଙ୍କ ସହ ଯେଉଁ ବଣ୍ଡ ସେୟାର କରିଥିଲେ ତାହା ସେ ରିଆଙ୍କ ସହ କରିପାରୁନାହାଁନ୍ତି । କାରଣ ସୁଶାନ୍ତ-ସାରାଙ୍କ ମଧ୍ୟରେ ପରସ୍ପର ପ୍ରତି ସବୁବେଳେ ସମ୍ମାନ ଦେଖିବାକୁ ମିଳୁଥିଲା । ହେଲେ ରିଆଙ୍କ ମନରେ ସୁଶାନ୍ତଙ୍କ ପ୍ରତି ଏମିତି କିଛି ନଥିଲା । ସୁଶାନ୍ତଙ୍କ ସହ ରିଲେସନଶିପରେ ଆସିବା ପରେ ରିଆ, ସାରାଙ୍କ ସହ କଥାବାର୍ତ୍ତା ବନ୍ଦ କରିଦେଇଥିଲେ।’
