ମୁମ୍ବାଇ: ଲକଡାଉନର 8 ମାସ ପରେ ଦେଶରେ ସିନେମାହଲ ଖୋଲିଛି । ଆଉ ମେକର୍ସ ନିଜ ନିଜ ଫିଲ୍ମ ରିଲିଜ କରିବାକୁ ମଧ୍ୟ ପ୍ରସ୍ତୁତ । ଦୀର୍ଘ ସମୟରୁ ଓଟିଟି ପ୍ଲାଟଫର୍ମରେ ଫିଲ୍ମ ଦେଖି ଆସୁଥିବା ଦର୍ଶକ ଏବେ ବଡ ପରଦାରେ ଫିଲ୍ମ ଏନଜୟ କରିବେ । ଏହି କ୍ରମରେ ସାମିଲ ଅଛି ସେକ୍ସୀ ଅଭିନେତ୍ରୀ ରିଚା ଚଡ୍ଡାଙ୍କ ଫିଲ୍ମ ‘ସକିଲା’ । ସିନେମାହଲରେ ରିଲିଜ ହେବାକୁ ଯାଉଛି ଫିଲ୍ମ । ଘୋଷଣା ହେଲା ଫିଲ୍ମ ରିଲିଜ ତାରିଖ ।
ସୋମବାର ମେକର୍ସ ଏକ ଟ୍ବିଟରେ ସୂଚନା ଦେଇଥିଲେ ଯେ ଖ୍ରୀଷ୍ଟମାସ ଅବସରରେ ସିନେମାହଲରେ ରିଲିଜ ହେବ ଫିଲ୍ମ । ଏହାସହ ଜାରି କରାଯାଇଥିଲା ଫିଲ୍ମର ନୂଆ ପୋଷ୍ଟର । ଯେଉଁଥିରେ ଲାଲି ଶାଢୀ ପିନ୍ଧି ଗଜରା ଲଗାଇ ହାତରେ ବନ୍ଧୁକ ଧରିଥିବାର ନଜର ଆସୁଛନ୍ତି ରିଚା । ତାଙ୍କ ଏହି ଦବଙ୍ଗ ଅନ୍ଦାଜ ଫ୍ୟାନ୍ସଙ୍କ ମନ କିଣିଛି ।
ସେହିପରି ‘ସକିଲା’ରେ ରିଚାଙ୍କ ବ୍ୟତୀତ ପଙ୍କଜ ତ୍ରିପାଠୀ, ଶେଭା ରାଣାଙ୍କ ଅଭିନୟ ଦେଖିବାକୁ ମିଳିବ । ପ୍ରକାଶ ଥାଉକି ‘ଶକିଲା’ ଫିଲ୍ମ ହେଉଛି ଏବର୍ଷର ତୃତୀୟ ଫିଲ୍ମ ଯାହା ସିନେମାହଲରେ ରିଲିଜ ହେବାକୁ ଯାଉଛି । ପୂର୍ବରୁ ମନୋଜ ବାଜପେୟୀ ଓ ଦିଲଜିତ ଦୋସାଞ୍ଝଙ୍କ ଚର୍ଚ୍ଚିତ ଫିଲ୍ମ ‘ସୁରଜ ପେ ମଙ୍ଗଲ ଭାରି’ ରିଲିଜ ହୋଇଥିଲା । ଏହାପରେ ତିଲୋତମା ଶୋମଙ୍କ ଫିଲ୍ମ ‘ସାର୍’ ସିନେମାହଲରେ ଦେଖିବାକୁ ମିଳିଥିଲା ।
