ମୁମ୍ବାଇ: ସୁପରଷ୍ଟାର ଆମୀର ଖାନ ଓ ବେବୋ କରୀନା କପୁରଙ୍କ ଚର୍ଚ୍ଚିତ ଫିଲ୍ମ ‘ଲାଲ ସିଂ ଚଡ୍ଡା’ ଦେଖିବାକୁ ବ୍ୟାକୁଳ ଦର୍ଶକ । କୋରୋନା ଭାଇରସ ପାଇଁ ଫିଲ୍ମର ସୁଟିଂ ଅଧାରେ ବନ୍ଦ ଥିଲା । ହେଲେ ଏବେ ଗୁଡନ୍ୟୁଜ ସାମ୍ନାକୁ ଆସିଛି । କାରଣ ଲକଡାଉନ ପରେ ସୁଟିଂ ଆରମ୍ଭ କରିଥିବା କରୀନା ଏବେ ଫିଲ୍ମର ସୁଟିଂ ଶେଷ କରିସାରିଛନ୍ତି । ଫିଲ୍ମ ବ୍ୟତୀତ କରୀନା ନିଜ ଗର୍ଭବତୀ ଖବର ପାଇଁ ମଧ୍ୟ ଚର୍ଚ୍ଚାରେ । ସେ ଦ୍ବିତୀୟଥର ମା' ହେବାକୁ ଯାଉଛନ୍ତି ।
- " class="align-text-top noRightClick twitterSection" data="
">
ସେ ଇନଷ୍ଟାଗ୍ରାମରେ ଫିଲ୍ମ ସେଟରୁ ଏକ ଫଟୋ ସେୟାର କରି ଫିଲ୍ମ ସୁଟିଂ ଶେଷ କରିବା ସୂଚନା ଦେଇଛନ୍ତି । ଯେଉଁଥିରେ ଆମୀରଙ୍କ ସହ ବସୁଥିବାର ନଜର ଆସୁଛନ୍ତି ସେ ।
ଆଉ ଏହାର କ୍ୟାପସନରେ ସେ ଲେଖିଛନ୍ତି,‘ ସବୁ ଯାତ୍ରା କେବେ ନା କେବେ ଶେଷ ହୋଇଯାଏ । ଆଜି ମୁଁ ମୋ ଫିଲ୍ମ ଲାଲ ସିଂ ଚଡ୍ଡାର ଯାତ୍ରା ଶେଷ କରିଛି । କୋରୋନା ମହାମାରୀରେ ଏହା ଜଟିଳ ସମୟ ଥିଲା । ଗର୍ଭବତୀରେ ନର୍ଭସ ମଧ୍ୟ ଲାଗୁଥିଲା ସୁଟିଂ କରିବା ପାଇଁ । ହେଲେ ସବୁ ସୁରକ୍ଷା ସହ ମୁଁ ଏହାର ସୁଟିଂ ପୂରଣ କରିଛି ।’
ପ୍ରକାଶ ଥାଉକି ‘ଲାଲ ସିଂ ଚଡ୍ଡା’ ହଲିଉଡର ପପୁଲାର ଫିଲ୍ମ ‘ଫରେଷ୍ଟ ଗମ୍ପ’ର ହିନ୍ଦୀ ରିମେକ । ଆସନ୍ତା ବର୍ଷ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ ।
