ମୁମ୍ବାଇ: ବଲିଉଡରେ ଅନେକ ସୁପରଡୁପର ହିଟ୍ ଫିଲ୍ମ ନିର୍ମାଣ ହୋଇସାରିଛି । ଯାହାର ସିକ୍ବେଲ କିମ୍ବା ରିମେକ ଏବେ ନିର୍ମାଣ କରିବାରେ ଲାଗିଛନ୍ତି ନିର୍ମାତା । ଅନେକ ସିକ୍ବେଲ ଫିଲ୍ମ ପରଦାରେ ମଧ୍ୟ ଦେଖିବାକୁ ମିଳିସାରିଲାଣି । ଇତିମଧ୍ୟରେ ଆଉ ଦୁଇଟି ସିକ୍ବେଲ ଫିଲ୍ମକୁ ନେଇ ଚର୍ଚ୍ଚା । ଆଜ୍ଞା ହଁ ନିର୍ମାତା ପ୍ରିୟଦର୍ଶନ କମେଡି ଡ୍ରାମା ଫିଲ୍ମ ‘ହଙ୍ଗାମା’ର ସିକ୍ବେଲ ନେଇ ଫେରିବେ ।
ଯେଉଁଥିରେ ଅକ୍ଷୟ ଖନ୍ନା, ପରେଶ ରାୱଲ, ଆଫତାବ ଓ ରିମି ସେନ ଭଳି କଳାକାର ଦମଦାର ଅଭିନୟ କରିଥିଲେ । ସେହିପରି ଏହାର ସିକ୍ବେଲରେ ପରେଶ, ଶିଳ୍ପା ସେଟ୍ଟୀ ଓ ମିଜାନ ଖାନଙ୍କ ନଜର ଆସିବେ । ଗତ ବର୍ଷ ଫିଲ୍ମକୁ ନେଇ ବେଶ୍ ଚର୍ଚ୍ଚା ଚାଲିଥିଲା ।
ଖାଲି ଏତିକି ନୁହେଁ ପ୍ରିୟଦର୍ଶନଙ୍କ ଆଉ ଏକ ହିଟ୍ ଫିଲ୍ମ ‘ହଲଚଲ’ ସିକ୍ବେଲର ମଧ୍ୟ କାମ ଶୀଘ୍ର ଆରମ୍ଭ ହେବାକୁ ଯାଉଛି । ଯେଉଁଥିରେ ଅଭିନୟ କରିଥିଲେ କରୀନା କପୁର ଖାନ, ଅକ୍ଷୟ ଖନ୍ନା, ସୁନୀଲ ସେଟ୍ଟୀ, ଜ୍ୟାକି ଶ୍ରଫ, ପରେଶ ରାୱଲ ଓ ଅମରିଶ ପୁରୀ ଭଳି କଳାକାର ।
ଫିଲ୍ମ ବିଷୟରେ ଏକ ରିପୋର୍ଟରୁ ଜଣାପଡିଛି ଯେ ଫିଲ୍ମର ସ୍କ୍ରିପ୍ଟିଂ ଉପରେ ବର୍ତ୍ତମାନ କାମ ଚାଲିଛି । ହେଲେ ପ୍ରିୟଦର୍ଶନ ଏହାର ନିର୍ମାଣ କରିବେ କି ନାହିଁ ତାନେଇ କୌଣସି ସୂଚନା ମିଳିନାହିଁ । ସେହିପରି ଫିଲ୍ମରେ କେଉଁ ଷ୍ଟାରକାଷ୍ଟକୁ ସାମିଲ କରାଯିବ ତାହା ଉପରେ ଯୋଜନା କରୁଛନ୍ତି ମେକର୍ସ ।
