ମୁମ୍ବାଇ: ସେକ୍ସି ଅଭିନେତ୍ରୀ ଏଲି ଅବ୍ରାମ ଓ ସୁପରଷ୍ଟାର ଆମୀର ଖାନଙ୍କ ମ୍ୟୁଜିକ ଭିଡିଓ ‘ହର ଫନ୍ନ ମୌଲା’ ନିକଟରେ ରିଲିଜ ହୋଇଥିଲା । ଯେଉଁଥିରେ ଦୁଇଜଣଙ୍କ ଜବରଦସ୍ତ କେମେଷ୍ଟ୍ରି ଦେଖିବାକୁ ମିଳିଛି । ସେପଟେ ଗୀତକୁ ଖୁବ୍ ପସନ୍ଦ କରିଛନ୍ତି ଦର୍ଶକ । ଇତିମଧ୍ୟରେ ଆମୀରଙ୍କ ସହ କାମ କରିବା ଅନୁଭୂତି ସେୟାର କରି ଚର୍ଚ୍ଚାରେ ଏଲି ।
ଏକ ସାକ୍ଷାତକାରରେ ଏଲି ଦେଇଥିବା ବୟାନରେ କହିଛନ୍ତି, ‘ଭଲ କଥା ହେଲା ଯେ ଆମୀର ମୋତେ ସୁଟିଂ ସମୟରେ ଆଦୌ ଭୟଭୀତ କରି ନାହାଁନ୍ତି । ସେ ପ୍ରଥମ ଦିନରୁ ମତେ ଭଲ ଏବଂ ଦୟାଳୁ ଲାଗୁଥିଲେ । ଆଉ ବହୁତ ସାହାଯ୍ୟକାରୀ ବ୍ୟକ୍ତି ମଧ୍ୟ । ତାଙ୍କ ସହ କାମ କରି ମୁଁ ଅତ୍ୟଧିକ କୃତଜ୍ଞ ।’
ପ୍ରକାଶ ଥାଉକି 'ହର ଫନ୍ନ ମୌଲା' ରାହୁଲ ଜୈନ ଗାଇଛନ୍ତି ଏବଂ ଏହି ଭିଡିଓଟି ସୌରଭ ପ୍ରଜାପତିଙ୍କ ଦ୍ବାରା ନିର୍ଦ୍ଦେଶିତ ଏବଂ କୋରିଓଗ୍ରାଫି କରାଯାଇଛି ।
ଏହି ମ୍ୟୁଜିକ ଭିଡିଓ ବ୍ୟତୀତ ନିଜର ବହୁ ପ୍ରତିକ୍ଷିତ ଫିଲ୍ମ ‘ଲାଲ ସିଂ ଚଡ୍ଡା’କୁ ନେଇ ଚର୍ଚ୍ଚାରେ ଆମୀର । ଏବର୍ଷ ରିଲିଜ ହେବ ଫିଲ୍ମ । ତାଙ୍କ ସହ ନଜର ଆସିବେ କରୀନା କପୁର ଖାନ । ହଲିଉଡର ବହୁ ଚର୍ଚ୍ଚିତ ଫିଲ୍ମ ‘ଫରେଷ୍ଟ ଗମ୍ଫ’ର ଏହା ହିନ୍ଦୀ ରିମେକ ଫିଲ୍ମ ।
