ମୁମ୍ବାଇ: ନିକଟରେ ଅଭିନେତା ବିବେକ ଓବରୟଙ୍କ ମୁମ୍ବାଇ ଘରେ ସିସିବି(ସେଣ୍ଟ୍ରାଲ କ୍ରାଇମବ୍ରାଞ୍ଚ) ଚଢାଉ କରିଥିଲା । ତାଙ୍କ ସମ୍ପର୍କୀୟଙ୍କ ନାମ ବେଙ୍ଗାଲୁରୁର ଡ୍ରଗ୍ସ ମାମଲାରେ ଆସିଥିବାରୁ ତାଙ୍କ ଘରର ଛାନଭିନ କରିଥିଲା ସିସିବି । ହେଲେ ଏବେ ଟେନସନ ଫ୍ରି ହୋଇ ପତ୍ନୀ ପ୍ରିୟଙ୍କା ଅଲଭାଙ୍କ ସହ ରୋମାଣ୍ଟିକ ଭାକେସନ ଏନଜୟ କରୁଥିବାର ଆସୁଛନ୍ତି ନଜର । ଏହି ଯୋଡି ବର୍ତ୍ତମାନ ମାଳଦ୍ବୀପରେ ସମୟ ବିତାଉଛନ୍ତି । ଆଉ ଫଟୋ ପୋଷ୍ଟ କରିବାରେ ଲାଗିଛନ୍ତି ବିବେକ । ଏପରି ଗୋଟିଏ ଫଟୋରେ ପତ୍ନୀଙ୍କ ସହ ସ୍ବିମିଂ ପୁଲରେ ମସ୍ତି କରୁଥିବାର ଦେଖାଯାଉଛନ୍ତି ସେ ।
ସୋମବାର ଇନଷ୍ଟାଗ୍ରାମରେ ଏହି ଫଟୋ ପୋଷ୍ଟ କରି ସେ କ୍ୟାପସନରେ ଲେଖିଛନ୍ତି, ‘ସୂର୍ଯ୍ୟାସ୍ତ । ଆମର ଯାଦୁଭରା ସମୟ ।’
- " class="align-text-top noRightClick twitterSection" data="
">
ପ୍ରକାଶ ଥାଉକି ନିକଟରେ କାମକୁ ଫେରିବା ଘୋଷଣା କରିଥିଲେ ବିବେକ । ସେ ଏକ ଭିଡିଓ ପୋଷ୍ଟ କରିଥିଲେ ଏହାର ସୂଚନା ଦେଇଥିଲେ । ଯେଉଁଥିରେ ସେ ନିଜ ଅପକମିଂ ଫିଲ୍ମ ‘ରୋଜି: ଦ ସାଫରନ୍ ଚାପ୍ଟର’ ପାଇଁ ଫଟୋସୁଟ କରୁଥିବାର ନଜର ଆସିଥିଲେ । ଅନ୍ୟପଟେ ତାଙ୍କ ପତ୍ନୀଙ୍କ ଭାଇ ଆଦିତ୍ୟ ଅଲଭାଙ୍କ ଲିଙ୍କ ଡ୍ରଗ୍ସ ଡିଲିଂରେ ଥିବାରୁ ତାଙ୍କୁ ହଟହଟା ହେବାକୁ ପଡିଥିଲା । ପ୍ରିୟଙ୍କାଙ୍କୁ ପଚରାଉଚରା କରିବା ପାଇଁ ସିସିବି ସମନ ମଧ୍ୟ ଜାରି କରିଥିଲା ।
