ମୁମ୍ବାଇ: ସୁପରଷ୍ଟାର ସଲମାନ ଖାନ ବର୍ତ୍ତମାନ ଚର୍ଚ୍ଚିତ ଫିଲ୍ମ ‘ଅନ୍ତିମ: ଦ ଫାଇନାଲ ଟ୍ରୁଥ୍’ର ସୁଟିଂରେ ବ୍ୟସ୍ତ ଅଛନ୍ତି । ଏହି ଫିଲ୍ମ ଜରିଆରେ ସେ ପ୍ରଥମଥର ନିଜ ଭିଣୋଇ ତଥା ଅଭିନେତା ଆୟୁଷ ଶର୍ମାଙ୍କ ସହ ନଜର ଆସିବେ । ଆୟୁଷ ଗ୍ୟାଙ୍ଗଷ୍ଟାର ରୂପେ ଅଭିନୟ କରିବାକୁ ଯାଉଥିବା ବେଳେ ସଲମାନ ସରଦାର ପୋଲିସ ଅଫିସରେ ଦେଖାଯିବେ । ନିକଟରେ ଫିଲ୍ମର ଟିଜର ଭିଡିଓରେ ଏହାର ଝଲକ ଦେଖିବାକୁ ମିଳିଥିଲା । ଇତିମଧ୍ୟରେ ଫିଲ୍ମରେ ସାମିଲ ହୋଇଛନ୍ତି ବରୁଣ ଧୱନ । ଯାହାକୁ ନେଇ ଉତ୍ସାହିତ ଫ୍ୟାନ୍ସ ।
ଫିଲ୍ମରେ ସଲମାନଙ୍କ ସହ ଏକ ସ୍ପେଶାଲ ଡାନ୍ସ ନଂରେ ନାଚିବେ ବରୁଣ । ଏହି ଗୀତ ପାଇଁ ମେକର୍ସ ଚାହୁଁଥିଲେ ବଲିଉଡର କୌଣସି ଜଣେ ପପୁଲାର ଆକ୍ଟରଙ୍କୁ ସାମିଲ କରିବା ପାଇଁ । ଆଉ ସମସ୍ତଙ୍କ ମନରେ ଆସିଥିଲା ବରୁଣଙ୍କ ନାଁ । ଆଉ ସଙ୍ଗେ ସଙ୍ଗେ ତାଙ୍କୁ ମେକର୍ସଙ୍କ ତରଫରୁ ମିଳିଥିଲା ଅଫର ।
ସେପଟେ ସଲମାନଙ୍କ ସହ ଡାନ୍ସ କରିବାକୁ ନେଇ ବରୁଣଙ୍କ ଖୁସି ନକହିଲେ ସରେ । ଏହି ଗୀତ ଫୁଲଅନ୍ ଦେଶୀ ଚାର୍ଟବଷ୍ଟର ହେବାକୁ ଯାଉଛି । ଭାଇଚାରାର ବାର୍ତ୍ତା ବାଣ୍ଟିବେ ଏହି ଦୁଇ ଷ୍ଟାର । ପ୍ରକାଶ ଥାଉକି ନିକଟରେ ଓଟିଟି ପ୍ଲାଟଫର୍ମରେ ରିଲିଜ ହୋଇଥିଲା ବରୁଣଙ୍କ ଫିଲ୍ମ ‘କୁଲି ନଂ 1’ । ଫିଲ୍ମରେ ତାଙ୍କ ସହ ନଜର ଆସିଥିଲେ ସାରା ଅଲ୍ଲୀ ଖାନ ।
