ମୁମ୍ବାଇ: ସୁଶାନ୍ତ ସିଂ ରାଜପୁତ ମୃତ୍ୟୁକୁ ଏକ ମାସରୁ ଅଧିକ ଦିନ ବିତିଗଲାଣି। ତାଙ୍କ ଫ୍ୟାନ୍ସ ଏବେ ମଧ୍ୟ ତାଙ୍କ ନିଧନକୁ ନେଇ ଦୁଃଖି। ଇତିମଧ୍ୟରେ ଫେମସ ପାରାନର୍ମଲ ଏକ୍ସପର୍ଟ ଷ୍ଟିଭ ହଫ, ସୁଶାନ୍ତଙ୍କ ଆତ୍ମା ସହ କଥାବାର୍ତ୍ତା କରିଥିବାର ଦାବା କରିଛନ୍ତି। ଯାହାକୁ ନେଇ ଚର୍ଚ୍ଚ ସବୁ ମହଲରେ। ଷ୍ଟିଭଙ୍କ ଅନୁଯାୟୀ ସୁଶାନ୍ତଙ୍କ ଫ୍ୟାନ୍ସ ମେସେଜ ଓ ଇମେଲ ଜରିଆରେ ତାଙ୍କୁ ସାହାଯ୍ୟ ମାଗିଥିଲେ।
ଷ୍ଟିଭ ଏକ ଯନ୍ତ୍ର ସାହାଯ୍ୟରେ ଆତ୍ମାଙ୍କ ସହ କଥାବାର୍ତ୍ତା କରନ୍ତି। ସେ ନିଜ ଫେସବୁକ ପେଜରେ ଏକ ଭିଡିଓ ସେୟାର କରିଛନ୍ତି। ଏହାସହ ଜଣାଇଛନ୍ତି ଯେ ସୁଶାନ୍ତଙ୍କ ସ୍ବର ବହୁତ ଷ୍ଟ୍ରଙ୍ଗ ଥିଲା।
ସେହିପରି ସେ ନିଜ ପୋଷ୍ଟରେ ଲେଖିଛନ୍ତି, ‘ହଜାର ଅନୁରୋଧ ପରେ ଆପଣଙ୍କ ପାଇଁ ଏହି କାର୍ଯ୍ୟ। ଏହା ଏକ ଅବିଶ୍ବସନୀୟ ସେଶନ ଥିଲା। ଆପଣ ମତେ ସିଧାସଳଖ ଜବାବ ଦିଅନ୍ତୁ। ମୁଁ ଆଉ ଏକ ସେଶନ କରିବି, ଯେଉଁଥିରେ ଗମ୍ଭୀର ପ୍ରଶ୍ନ ପଚାରିବି।’
ପ୍ରକାଶ ଥାଉକି ଷ୍ଟିଭ ଏହି ସେଶନ ଗତ 13 ତାରିଖରେ କରିଥିଲେ। ଅନ୍ୟପଟେ ୟୁଟ୍ୟୁବରେ ଅପଲୋଡ ହୋଇଥିବା ଭିଡିଓରେ ସୁଶାନ୍ତଙ୍କ ନାମ ନେଇ ଷ୍ଟିଭ ଅନେକ ପ୍ରଶ୍ନ ପଚାରିଥିଲେ।
