ମୁମ୍ବାଇ: ଜି5ର ଆଗାମୀ ମର୍ଡର ମିଷ୍ଟ୍ରି ସିରିଜ ‘ସନଫ୍ଲାୱାର’କୁ ନେଇ ସମସ୍ତେ ଉତ୍ସାହିତ । ଇତିମଧ୍ୟରେ ଫିଲ୍ମର ଦ୍ବିତୀୟ ଟିଜର ଜାରି କରି ଦର୍ଶକଙ୍କ ଉତ୍ସାହିତ ଦୁଇଗୁଣ କରିଦେଇଛନ୍ତି ମେକର୍ସ । ଯେଉଁଥିରେ ସିରିଜର ସବୁ ଭୂମିକାର ଝଲକ ଦେଖିବାକୁ ମିଳୁଛି । ଗତ ଏପ୍ରିଲ 13ରେ ଏହାର ପ୍ରଥମ ଟିଜର ରିଲିଜ ହୋଇଥିଲା ।
ଏହି ସିରିଜରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ସୁନୀଲ ଗ୍ରୋଭର । ନିକଟରେ ଜି5 ଏହି ସିରିଜ ଘୋଷଣା କରିଥିଲା । ରିଲାଏନ୍ସ ଏଣ୍ଟରଟେନମେଣ୍ଟ ଆଣ୍ଡ ଗୁଡ୍ କମ୍ପାନୀ ଦ୍ବାରା ନିର୍ମିତ ଏହି ସିରିଜର କାହାଣୀ ଲେଖିଛନ୍ତି ନିର୍ଦ୍ଦେଶକ ବିକାଶ ବହଲ ।
ପ୍ରକାଶ ଥାଉକି ମୁମ୍ବାଇର ଏକ ମଧ୍ୟବିତ୍ତ ସମାଜର କାହାଣୀ ଏହି ସିରିଜରେ ପର୍ଯ୍ୟବେଶିତ କରାଯାଇଛି । ଦୁଃସାହସିକ କାର୍ଯ୍ୟ, କମେଡି ଏବଂ ଡ୍ରାମା ସବୁ କିଛି ଏହି ଫିଲ୍ମରେ ସାମିଲ କରିଛନ୍ତି ମେକର୍ସ। ଯାହା ଆପଣଙ୍କୁ ଏକ ରୋଲର୍-କୋଷ୍ଟର୍ ଯାତ୍ରା କରିବାକୁ ପ୍ରତିଜ୍ଞା କରୁଛି । ଆସନ୍ତା ଜୁନ 11ରେ ସିରିଜର ଷ୍ଟ୍ରିମିଂ ହେବାକୁ ଯାଉଛି ।
