ମୁମ୍ବାଇ: ବି-ଟାଉନର ଆନ୍ନା ସୁନୀଲ ସେଟ୍ଟୀ ଫିଲ୍ମ ଠୁ ଅଧିକ ସୋସିଆଲ ମିଡିଆରେ ଆକ୍ଟିଭ ରହୁଛନ୍ତି । ସେ ଫ୍ୟାନ୍ସଙ୍କୁ ମନୋରଞ୍ଜନ କରିବା ପାଇଁ ନିଜ ସହ ସମ୍ପୃକ୍ତ କିଛି ନା କିଛି ସେୟାର କରନ୍ତି । ହେଲେ କିଛି ଦିନରୁ ସେ ନିଜର ଥ୍ରୋବ୍ୟାକ ଫଟୋ, ଭିଡିଓ ସେୟାର କରି ଚର୍ଚ୍ଚାରେ । ଏଥର ମଧ୍ୟ ସେ ନିଜର ଏକ ଥ୍ରୋବ୍ୟାକ ଫଟୋ ପୋଷ୍ଟ କରି ଫ୍ୟାନ୍ସଙ୍କୁ ଖୁସ୍ କରି ଦେଇଛନ୍ତି । ଯେଉଁଥିରେ ତାଙ୍କ ମସଲ୍ସ ଦେଖିବାକୁ ମିଳୁଛି ।
ସେହିପରି ଇନଷ୍ଟାଗ୍ରାମରେ ସେ ଏହି ଫଟୋ ପୋଷ୍ଟ କରି କ୍ୟାପସନରେ ଲେଖିଛନ୍ତି, ‘ବାଇସେପ୍ ଦେଖାଇବା ପାଇଁ କିଛି ବି କରିବି ।’ ଏହାସହ ସେ ବାଇସେପ୍ ଇମୋଜି ମଧ୍ୟ ଦେଇଛନ୍ତି ।
- " class="align-text-top noRightClick twitterSection" data="
">
ଏହାପୂର୍ବରୁ ମଧ୍ୟ ସେ ନିଜର ଏକ ଥ୍ରୋବ୍ୟାକ ଫଟୋସୁଟର ଫଟୋ ସେୟାର କରିଥିଲେ । ଯେଉଁଥିରେ ସେ ସମୁଦ୍ର କୂଳରେ ସଟଲେସ୍ ଅବତାରରେ ନଜର ଆସିଥିଲେ । ଏବେ ଦେଖନ୍ତୁ ନୂଆ ପୋଷ୍ଟ...
ପ୍ରକାଶ ଥାଉକି ଶେଷଥର ସୁନୀଲଙ୍କୁ ସଞ୍ଜୟ ଗୁପ୍ତାଙ୍କ ଆକ୍ସନ ଡ୍ରାମା ଫିଲ୍ମ ‘ମୁମ୍ବାଇ ସାଗା’ରେ ଦେଖିବାକୁ ମିଳିଥିଲା । ଯେଉଁଥିରେ ତାଙ୍କ ସହ ଇମରାନ ହାସମୀ, ଜନ ଅବ୍ରାହମ, କାଜଲ ଅଗ୍ରୱାଲ, ପ୍ରତୀକ ବବ୍ବର ଓ ମହେଶ ମାଞ୍ଜରେକର ଭଳି ନଜର ଆସିଥିଲେ । ଏହାସହ ତାଙ୍କ ଅଭିନୟ କିଛି ଦିନ ପୂର୍ବରୁ ରିଲିଜ ହୋଇଥିବା ତେଲୁଗୁ ଫିଲ୍ମ ‘ମୋସାଗାଲୁ’ରେ ଦେଖିବାକୁ ମିଳିଥିଲା ।
