ମୁମ୍ବାଇ: ବଲିଉଡ ଖିଲଜି ରଣଭୀର ସିଂଙ୍କ ଫ୍ୟାନ୍ସଙ୍କ ପାଇଁ ଗୁଡନ୍ୟୁଜ । ତାଙ୍କ ହାତରେ ଲାଗିଲା ଆଉ ଏକ ଦମଦାର ଫିଲ୍ମ । ସେ ଖୁବଶୀଘ୍ର ତାମିଲ ବ୍ଲକବଷ୍ଟର ‘ଆନିୟାନ’ର ହିନ୍ଦୀ ରିମେକରେ ନଜର ଆସିବେ । ଯାହାକୁ ନେଇ ଚର୍ଚ୍ଚା । ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇବେ ନିର୍ମାତା ଶଙ୍କର । ଯିଏ ତାମିଲ ଫିଲ୍ମରେ ମଧ୍ୟ ନିର୍ଦ୍ଦେଶନା ଦେଇଥିଲେ ।
- " class="align-text-top noRightClick twitterSection" data="
">
2005ରେ ଆସିଥିବା ଏହି ସାଇକୋଲୋଜିକାଲ ଆକ୍ସନ୍ ଥ୍ରୀଲରରେ ସାଉଥ୍ ଷ୍ଟାର ବିକ୍ରମଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିଥିଲା । ଫିଲ୍ମର କାହାଣୀ ଜଣେ ବ୍ୟକ୍ତିର ଏକାଧିକ ବ୍ୟକ୍ତିତ୍ବକୁ ନେଇ ଆଧାରିତ । ସେହିପରି ଏହାର ହିନ୍ଦୀ ରିମେକ ପେନ୍ ଇଣ୍ଡିଆ ଦ୍ବାରା ପେନ ଷ୍ଟୁଡିଓର ଜୟନ୍ତୀଲାଲ ଗଡା ନିର୍ମାଣ କରିବେ ।
ଫିଲ୍ମ ବିଷୟରେ ଆଲୋଚନା କରି ରଣବୀର କହିଛନ୍ତି, ‘ଏହି ଫିଲ୍ମର ଅଂଶ ହେବା ମୋ ପାଇଁ ଗର୍ବର କଥା । ମୁଁ କେବଳ ଚେଷ୍ଟା କରିପାରିବି ଫିଲ୍ମର ଭୂମିକାରେ ଭଲ ଅଭିନୟ କରିବାକୁ । ଯାହା ଦର୍ଶକଙ୍କ ମନ କିଣିପାରିବ । ମୁଁ ବର୍ତ୍ତମାନ ପ୍ରସ୍ତୁତ ଅଛି ଫିଲ୍ମର ଏହି ଦମଦାର ରୋଲରେ ଅଭିନୟ କରିବାକୁ ।’
ପ୍ରକାଶ ଥାଉକି ଏହି ଫିଲ୍ମ ବ୍ୟତୀତ ରଣବୀରଙ୍କ ସ୍ପୋର୍ଟ୍ସ ଡ୍ରାମା ଫିଲ୍ମ ‘83’ ଖୁବଶୀଘ୍ର ରିଲିଜ ହେବାକୁ ଯାଉଛି । ଯେଉଁଥିରେ ଦୀପିକା ପାଦୁକୋନ ମଧ୍ୟ ତାଙ୍କ ସହ ନଜର ଆସିବେ । କବୀର ଖାନଙ୍କ ନିର୍ଦ୍ଦେଶିତ ଏହି ଫିଲ୍ମର କାହାଣୀ ଭାରତୀୟ କ୍ରିକେଟର କିମ୍ବଦନ୍ତୀ କ୍ରିକେଟର କପିଲ ଦେବଙ୍କ କାହାଣୀକୁ ନେଇ ଆଧାରିତ ।
ବ୍ୟୁରୋ ରିପୋର୍ଟ, ଇଟିଭି ଭାରତ
