ମୁମ୍ବାଇ: ବି-ଟାଉନର ଭର୍ସାଟାଇଲ ଆକ୍ଟର ନୱାଜୁଦ୍ଦୀନ ସିଦ୍ଦିକୀଙ୍କ ଫ୍ୟାନ୍ସଙ୍କୁ ମିଳିଲା ଖୁସି ଖବର। ଯାହାକୁ ନେଇ ଖୁସିରେ ଝୁମି ଉଠିବେ ଫ୍ୟାନ୍ସ। କାରଣ ତାଙ୍କ କୋରୋନା ଟେଷ୍ଟ ନେଗେଟିଭ ବାହାରିଛି। ଏହି ରିପୋର୍ଟ ସାମ୍ନାକୁ ଆସିବା ମାତ୍ରେ ପରିବାର ଲୋକେ ଶାନ୍ତି ନିଶ୍ବାସ ମାରିଛନ୍ତି। ତାଙ୍କ କୋରୋନା ଟେଷ୍ଟ କରାଯିବାର କାରଣ ହେଲା ଯେ ଲକଡାଉନ ସମୟରେ ସେ ମୁମ୍ବାଇ ସରକାରଙ୍କ ପାଖରୁ ଅନୁମତି ନେଇ ନିଜ ହୋମଟାଉନ ଯାଇଥିଲେ।
ସେ ଉତ୍ତରପ୍ରଦେଶର ମୁଜାଫରନଗରରେ ଥିବା ନିଜ ଘରେ କ୍ବାରେଣ୍ଟାଇନରେ ଥିଲେ । ଯାହାପରେ ସେ ନିଜର କୋରୋନା ଟେଷ୍ଟ କରିଥିଲେ । ଯାହା ବର୍ତ୍ତମାନ ନେଗେଟିଭ ଆସିଛି । ସେ ଗତ 4 ଦିନରୁ ହୋମ କ୍ବାରେଣ୍ଟାଇନରେ ଥିଲେ।
ପ୍ରକାଶ ଥାଉକି ନିକଟରେ ଲଣ୍ଡନରୁ ଫେରିଥିବା ଫେମସ ଗାୟିକା କନିକା କପୁରଙ୍କ କୋରୋନା ସଂକ୍ରମିତ ହୋଇଥିଲେ। ହେଲେ ଏବେ ସେ ସୁସ୍ଥ ହୋଇ ନିଜ ପରିବାର ସହ ଘରେ ସମୟ ବିତାଉଛନ୍ତି।
