ମୁମ୍ବାଇ: ଲୋକପ୍ରିୟ ଅଭିନେତା ମନୋଜ ବାଜପେୟୀଙ୍କ ବହୁ ପ୍ରତିକ୍ଷିତ ୱେବ ସିରିଜ ‘ଦ ଫ୍ୟାମିଲି ମ୍ୟାନ 2’ର ଦମଦାର ଟ୍ରେଲର ନିକଟରେ ରିଲିଜ ହୋଇଥିଲା । ଆଉ ଏବେ ଏହାର ନୂଆ ପ୍ରୋମୋ ଭିଡିଓ ଜାରି କରି ସମସ୍ତଙ୍କ ଏକ୍ସାଇଟମେଣ୍ଟ ଦୁଇଗୁଣ କରିଦେଇଛନ୍ତି ମେକର୍ସ ।
ଏହି ପ୍ରୋମୋ ଭିଡିଓରେ ମନୋଜ ମିନିମମ୍ ମ୍ୟାନ ରୂପେ ନଜର ଆସୁଛନ୍ତି । ଯାହା ପୂର୍ବ ସିଜନର ଲୁକ ଠାରୁ ସମ୍ପୂର୍ଣ୍ଣ ଭିନ୍ନ । ସେହିପରି ଟ୍ରେଲରରେ ମନୋଜଙ୍କ ଆକ୍ସନ ଅନ୍ଦାଜ ଦେଖିବାକୁ ମିଳିଥିଲା । ଏହି ସିରିଜ ଜରିଆରେ ସାଉଥର ଲୋକପ୍ରିୟ ଅଭିନେତ୍ରା ସାମାନ୍ଥା ହିନ୍ଦୀ ଅଭିନୟ ଦୁନିଆରେ ପାଦ ଥାପିବାକୁ ଯାଉଛନ୍ତି । ଯାହାକୁ ନେଉ ଉତ୍ସାହିତ ସାଉଥ ଫ୍ୟାନ୍ସ ।
- " class="align-text-top noRightClick twitterSection" data="">
ପ୍ରକାଶ ଥାଉକି ଜୁନ 4ରେ ଓଟିଟି ପ୍ଲାଟଫର୍ମ ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହେବାକୁ ଯାଉଛି ସିରିଜ । ସିରଜର ସିକ୍ବେଲ ଘୋଷଣା ହେବା ପରଠୁ ଦର୍ଶକଙ୍କ ମଧ୍ୟରେ ସିଜନ 2କୁ ନେଇ ବେଶ୍ ଚର୍ଚ୍ଚା ଚାଲିଆସୁଛି । ସେହିପରି ମନୋଜ ଓ ସାମାନ୍ଥାଙ୍କ ବ୍ୟତୀତ ଅନେକ ଜଣାଶୁଣା କଳାକାର ସିରିଜରେ ନଜର ଆସିବେ । ଯେମିତି କି ଦର୍ଶନ କୁମାର, ସନ୍ନି ହିନ୍ଦୁଜା, ଶ୍ରେୟା ଧନବନ୍ତରି, ଶହାବ ଅଲ୍ଲୀ, ବେଦାନ୍ତ ସିହ୍ନା, ମହେକ ଠାକୁର ଏବଂ ସୀମା ବିଶ୍ବାସ ଭଳି କଳାକାର ଅଭିନୟ କରୁଛନ୍ତି । ‘ଦ ଫ୍ୟାମିଲି ମ୍ୟାନ 2’ର ପ୍ରଥମ ସିଜନ ମଧ୍ୟ ଖୁବ୍ ଲୋକପ୍ରିୟ ହାସଲ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
