ମୁମ୍ବାଇ: ବଲିଉଡର କ୍ୟୁଟ ଆକ୍ଟର କାର୍ତ୍ତିକ ଆର୍ୟନଙ୍କ ସଫଳତାକୁ ଯେମିତି କାହାରି କଳା ନଜର ଲାଗିଯାଇଛି । କରନ ଜୋହରଙ୍କ ଚର୍ଚ୍ଚିତ ଫିଲ୍ମ ‘ଦୋସ୍ତାନା 2’ରୁ ବାହାରିବା ପରେ ତାଙ୍କ ହାତରୁ ଗୋଟିଏ ପରେ ଗୋଟିଏ ଫିଲ୍ମ ବାଦ୍ ପଡୁଛି । ଯାହାକୁ ନେଇ ତାଙ୍କ ଫ୍ୟାନ୍ସ ନିରାଶ । ନିକଟରେ ତାଙ୍କୁ ଶାହରୁଖ ଖାନଙ୍କ ଆଗାମୀ ପ୍ରଯୋଜିତ ଫିଲ୍ମ ‘ଫ୍ରେଡି’ରୁ ବାହାର କରାଯାଇଥିବା ବେଳେ ଏବେ ଆଉ ଏକ ଫିଲ୍ମରୁ ତାଙ୍କୁ ଆଉଟ୍ କରାଯାଇଛି । ଯାହାକୁ ନେଇ ଆଶ୍ଚର୍ଯ୍ୟ ସମସ୍ତେ ।
କାରଣ ତାଙ୍କ ହାତରୁ ଏଥର ଚାଲିଯାଇଛି ନିର୍ଦ୍ଦେଶକ ଆନନ୍ଦ ଏଲ ରାୟଙ୍କ ଆଗାମୀ ଫିଲ୍ମ । ଦୀର୍ଘ ସମୟରୁ ଏହି ଫିଲ୍ମକୁ ନେଇ ଚର୍ଚ୍ଚା ହେଉଥିଲା ଯେ ମୁଖ୍ୟ ଭୂମିକାରେ ସେ ନଜର ଆସିବେ । ହେଲେ ଏବେ ଲାଗୁଛି ଫ୍ୟାନ୍ସଙ୍କ ସ୍ବପ୍ନ ସ୍ବପ୍ନରେ ହି ରହିଯିବ । କାରଣ ଏହି ଫିଲ୍ମରୁ ବାଦ୍ ପଡିଛନ୍ତି ସେ ।
ଫିଲ୍ମରୁ କାର୍ତ୍ତିକଙ୍କୁ ଆଉଟ୍ କରି ଆୟୁଷ୍ମାନ ଖୁରାନାଙ୍କୁ ଇନ୍ କରାଯାଇଛି । କୁହାଯାଉଛି ଯେ ଏହି ଫିଲ୍ମ ବିଷୟରେ କାର୍ତ୍ତିକ ଏବଂ ଆନନ୍ଦଙ୍କ ମଧ୍ୟରେ ଅନେକ ଆଲୋଚନା ମଧ୍ୟ ହୋଇଥିଲା । ଫିଲ୍ମ ସ୍କ୍ରିପ୍ଟ ପଢିବା ଠାରୁ ଆରମ୍ଭ କରି ଏହାର କାହାଣୀ ପର୍ଯ୍ୟନ୍ତ କାର୍ଯ୍ୟ ମଧ୍ୟ କରାଯାଇଥିଲା । ତେବେ କାର୍ତ୍ତିକ ଏପର୍ଯ୍ୟନ୍ତ ଫିଲ୍ମ ଚୁକ୍ତିନାମା ସ୍ବୀକାର କରିନଥିଲେ। ଏହାପୂର୍ବରୁ ବର୍ତ୍ତମାନ ତାଙ୍କୁ ଫିଲ୍ମରୁ ବାହାର କରି ଦିଆଯାଇଛି । କେଉଁ କାରଣରୁ ନିର୍ମାତା ଏହି ନିଷ୍ପତ୍ତି ନେଇଛନ୍ତି ଏଯାବତ ଏହାର କୌଣସି ସୂଚନା ମିଳିନାହିଁ ।
