ମୁମ୍ବାଇ: ନିକଟରେ ଏଭରଗ୍ରୀନ ଅଭିନେତ୍ରୀ ରେଖାଙ୍କ 5 ଜଣ ଗାର୍ଡ କୋରୋନା ପଜିଟିଭ ବାହାରିଥିଲେ । ହେଲେ ଏଯାବତ ରେଖା ନିଜ କୋରୋନା ଟେଷ୍ଟ କରାଇନାହାଁନ୍ତି । ଇତିମଧ୍ୟରେ ଆଉ ଜଣେ କଳାକାରଙ୍କ ଘରେ କୋରୋନା ପଜିଟିଭ କେସ ସାମ୍ନାକୁ ଆସିଛି । ଆଜ୍ଞା ହଁ, ଫେମସ ଆକ୍ଟର ଫରହାନ ଅଖତରଙ୍କ ଜଣେ ଗାର୍ଡ ପଜିଟିଭ ଚିହ୍ନଟ ହୋଇଛନ୍ତି । କାରଣ ଫରହାନଙ୍କ ବଙ୍ଗଳା ରେଖାଙ୍କ ବଙ୍ଗଳା ପାଖରେ ।
ଏହିକୁ ଦୃଷ୍ଟିରେ ରଖି ବିଏମସି ଫରହାନଙ୍କ ଘରକୁ ସିଲ କରିବା ସହ କଣ୍ଟେନମେଣ୍ଟ ବୋର୍ଡ ମଧ୍ୟ ଲଗାଇଦେଇଛି । ଫରହାନ ନିଜ ମା' ହନି ଈରାନୀଙ୍କ ସହ ବାନ୍ଦ୍ରାରେ ରହୁଛନ୍ତି ।
ପ୍ରକାଶ ଥାଉକି ଧିରେ ଧିରେ କରି ଅନେକ ଷ୍ଟାର୍ସଙ୍କ କୋରୋନା ସଂକ୍ରମିତ ଖବର ସାମ୍ନାକୁ ଆସିବାରେ ଲାଗିଛି । ନିକଟରେ ଅନୁପମ ଖେରଙ୍କ ପରିବାର ଲୋକେ କୋରୋନା ସଂକ୍ରମିତ ହୋଇଥିଲେ । ସେହିପରି ବିଗ ବି ଅମିତାଭ ବଚ୍ଚନ, ଅଭିଷେକ ବଚ୍ଚନ, ଐଶ୍ଚର୍ଯ୍ୟା ରାୟା ବଚ୍ଚନ ଓ ତାଙ୍କ ଝିଅ ଆରାଧ୍ୟା ବଚ୍ଚନ ମଧ୍ୟ କୋରୋନା ପଜିଟିଭି ।
