ମୁମ୍ବାଇ: ବଲିଉଡର ଆକ୍ସନ ହିରୋ ଟାଇଗର ଶ୍ରଫ ଫିଲ୍ମ ଇଣ୍ଡଷ୍ଟ୍ରିରେ ପୂରଣ କରିଛନ୍ତି 7 ବର୍ଷର ଯାତ୍ରା । ଏହି ଅବସରରେ ସେ ନିଜ ଡେବ୍ୟୁ ଫିଲ୍ମ ନିର୍ମାତାଙ୍କ ପାଇଁ ଏକ ସ୍ପେଶାଲ ନୋଟ ଲେଖିଛନ୍ତି । ଯାହା ବର୍ତ୍ତମାନ ଭାଇରାଲ ହେଉଛି । ‘ହିରୋପନ୍ତୀ’ ଜରିଆରେ ବଲିଉଡରେ ପଦାର୍ପଣ କରିଥିଲେ ଟାଇଗର । ଯେଉଁଥିରେ ତାଙ୍କ ସହ ରୋମାନ୍ସ କରିଥିଲେ କ୍ରିତି ସାନନ । ସେହିପରି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଥିଲେ ନିର୍ଦ୍ଦେଶକ ସବ୍ବିର ଖାନ।
ଇନଷ୍ଟାଗ୍ରାମ ଷ୍ଟୋରୀରେ ଟାଇଗର ଲେଖିଛନ୍ତି, ‘7 ବର୍ଷ ପରେ ବି ସମାନ ପୁରୁଣା ଲାଜୁଆ ବ୍ୟକ୍ତି ଯିଏ ଟୋପି ପଛରେ ଲୁଚିବାକୁ ପସନ୍ଦ କରେ । ମୁଁ ଯାହା କିଛି ଆଣିଥିଲି ଗ୍ରହଣ କରିଥିବାରୁ ସମସ୍ତଙ୍କୁ ଧନ୍ୟବାଦ । ଫିଲ୍ମ ନିର୍ମାତା ସାଜିଦ ନାଦିଆଦୱାଲାଙ୍କୁ ମୋର କୃତଜ୍ଞତା । ହିରୋପନ୍ତୀ ।’
ପ୍ରକାଶ ଥାଉକି ‘ହିରୋପନ୍ତୀ’ର ସିକ୍ବେଲ ଫିଲ୍ମ ‘ହିରୋପନ୍ତୀ 2’ରେ ନଜର ଆସିବେ ଟାଇଗର । ଯାହାକୁ ନେଇ ବର୍ତ୍ତମାନ ସେ ଖୁବ୍ ବ୍ୟସ୍ତ । ଗତ 3ରେ ଫିଲ୍ମର ସୁଟିଂ ଆରମ୍ଭ କରିଦେଇଛନ୍ତି ଅଭିନେତା । ମୁମ୍ବାଇରେ ଜୋରସୋରରେ ଚାଲିଛି ସୁଟିଂ । ଏଥର ଫିଲ୍ମରେ ସେ ତାରା ସୁତାରିଆଙ୍କ ସହ କରିବେ ରୋମାନ୍ସ ।
