ମୁମ୍ବାଇ: ହଲିଉଡର ଚର୍ଚ୍ଚିତ ଫିଲ୍ମ ‘ରାମ୍ବୋ’ର ହିନ୍ଦୀ ରିମେକକୁ ନେଇ ଦୀର୍ଘ ସମୟରୁ ଚର୍ଚ୍ଚା । ଯେଉଁଥିରେ ଆକ୍ସନର ଜବରଦସ୍ତ ତଡକା ଲଗାଇବେ ବି-ଟାଉନର ଆକ୍ସନ ହିରୋ ଟାଇଗର ଶ୍ରଫ । କୋରୋନା ଭାଇରାସ ପାଇଁ ଫିଲ୍ମର ଆରମ୍ଭ ହୋଇନାହିଁ । ଇତିମଧ୍ୟରେ ଫିଲ୍ମର କ୍ରୁ ମେମ୍ବର ପରିବର୍ତ୍ତନକୁ ନେଇ ଚର୍ଚ୍ଚା ଚାଲିଛି ।
ଆରମ୍ଭରୁ ଏହି ଫିଲ୍ମର ନିର୍ଦ୍ଦେଶନା ଦାୟିତ୍ବ ତୁଲାଇଥାଆନ୍ତେ ‘ବ୍ୟାଙ୍ଗ ବ୍ୟଙ୍ଗ’ ଓ ‘ୱାର’ ଭଳି ଫିଲ୍ମରେ ନିର୍ଦ୍ଦେଶନା ଦେଇସାରିଥିବା ସିଦ୍ଧାର୍ଥ ଆନନ୍ଦ । ହେଲେ ଏବେ ଶୁଣିବାକୁ ମିଳୁଛି ସେ ନିର୍ଦ୍ଦେଶନା ଦାୟିତ୍ବରୁ ହଟିଯାଇଛନ୍ତି । ଆଉ ଫିଲ୍ମର ନୂଆ ନିର୍ଦ୍ଦେଶକ ରୂପେ ନିର୍ଦ୍ଦେଶନା ଦେବେ ଅଭିନେତା ବରୁଣ ଧୱନଙ୍କ ବଡ ଭାଇ ରୋହିତ ଧୱନ ।
ପ୍ରକାଶ ଥାଉକି ଏହାପୂର୍ବରୁ ରୋହିତ ଫେମସ ସାଉଥ ଷ୍ଟାର ଅଲ୍ଲୁ ଅର୍ଜୁନଙ୍କ ଚର୍ଚ୍ଚିତ ଫିଲ୍ମ ‘ଅଲା ବୈକୁଣ୍ଠପୁରମୁଲୁ’ର ହିନ୍ଦୀ ରିମେକ ନିର୍ଦ୍ଦେଶିତ କରିବା ଘୋଷଣା କରିସାରିଛନ୍ତି । ଯେଉଁ ଫିଲ୍ମରେ ମୁଖ୍ୟ ଅଭିନେତା ରୂପେ କ୍ୟୁଟ କାର୍ତ୍ତିକ ଆର୍ୟନଙ୍କୁ ଦେଖିବାକୁ ମିଳିବ ।
