ହାଇଦ୍ରାବାଦ: ଫ୍ୟାନ୍ସଙ୍କ ସହ ଇଦ ମନେଇଛନ୍ତି ବଲିଉଡ ବାଦଶାହା ଶାହାରୁଖ ଖାନ । ସବୁବର୍ଷ ଭଳି ଏବର୍ଷ ମଧ୍ୟ ଶାହାରୁଖ ବାନ୍ଦ୍ରା ସ୍ଥିତ ବାସଭବନ ‘ମନ୍ନତ’ର ବାଲକୋନିକୁ ଆସି ଫ୍ୟାନ୍ସଙ୍କୁ ଇଦର ଶୁଭକାମନା ଜଣାଇଛନ୍ତି ।
କିଛି ବର୍ଷ ହେବ ଶାହାରୁଖ ଏକା ନୁହେଁ ବରଂ ପୁଅ ଆବ୍ରାମଙ୍କ ସହ ବାଲକୋନିରେ ନଜର ଆସନ୍ତି । ତେବେ ଏଥର ଇଦରେ କିଛି ମଜାଦାର କଥା ଦେଖିବାକୁ ମିଳିଥିଲା । ଶାହାରୁଖଙ୍କ ପୁଅ ଆବ୍ରାମ ବାପାଙ୍କ ଷ୍ଟାଇଲ ଶିଖୁଥିବାର ନଜର ଆସିଥିଲେ । ସେହି ସମୟରେ ଶାହରୁଖଙ୍କ ପାଇଁ ଫ୍ୟାନଙ୍କ କ୍ରେଜ ଦେଖିବାକୁ ମିଳିଥିବାବେଳେ ଆବ୍ରାମ କିନ୍ତୁ ପାପାଙ୍କ ଷ୍ଟାଇଲ ଫଲୋ କରିବାରେ ବ୍ୟସ୍ତ ଥିଲେ । ତେବେ ଏଥିରୁ ଜଣାପଡୁଛି ଶାହରୁଖଙ୍କ ଷ୍ଟାଇଲରେ ଖାଲି ଫ୍ୟାନ୍ସ ନୁହେଁ ବରଂ ପୁଅ ଆବ୍ରାମ ବି ଫିଦା ।
କହିବାକୁ ଗଲେ ଶାହାରୁଖଙ୍କ ତିନି ସନ୍ତାନ ଭିତରୁ ଶାହାରୁଖ ସାନ ପୁଅ ଆବ୍ରାମଙ୍କୁ ଟିକେ ଅଧିକା ଭଲ ପାଆନ୍ତି । ଏକଥା ନିଜେ ସ୍ବୀକାର ମଧ୍ୟ କରିଛନ୍ତି ଶାହାରୁଖ । ଆବ୍ରାମ ସବୁଠୁ ସାନ ଓ ଟିକେ ଲାଜକୁଳିଆ ହୋଇଥିବାରୁ ଶାହାରୁଖ ତାଙ୍କର ଅଧିକ ଧ୍ୟାନ ରଖିବା ସହ ଅଧିକରୁ ଅଧିକ ସମୟ ଅତିବାହିତ କରିଥାନ୍ତି ।
