ମୁମ୍ବାଇ: ବି-ଟାଉନର ଜୁନିୟର ବଚ୍ଚନ ଅଭିଷେକ ଦୀର୍ଘ ସମୟରୁ ପରଦାରେ ନଜର ଆସିନାହାଁନ୍ତି । ସେ ଶେଷଥର ମଲ୍ଟି ଷ୍ଟାରର ଫିଲ୍ମ ‘ମନମର୍ଜିୟା’ରେ ନଜର ଆସିଥିଲେ । ବର୍ତ୍ତମାନ ଅଭିଷେକ ପରଦାରେ ପୂର୍ବ ଅପେକ୍ଷା ବହୁତ କମ ଦେଖାଯାଉଛନ୍ତି । ଯାହାକୁ ନେଇ ଦେଖି ତାଙ୍କ ଫ୍ୟାନ୍ସ । ହେଲେ ସେ ଆଗାମୀ ଭବିଷ୍ୟତରେ ପୁଣି ନିଜ ଦମଦାର ଅଭିନୟ ନେଇ ଦର୍ଶକଙ୍କ ସାମ୍ନାକୁ ଆସିବାକୁ ଯାଉଛନ୍ତି । ତାଙ୍କ ଅପକମିଂ ଫିଲ୍ମ ‘ଦ ବିଗ ବୁଲକୁ ନେଇ ଉତ୍ସାହିତ ତାଙ୍କ ଫ୍ୟାନ୍ସ । ଇତିମଧ୍ୟରେ ଫ୍ୟାନ୍ସଙ୍କ ଉତ୍ସାହିତ ଦୁଇଗୁଣ ବଢିଯାଇଛି ଏହି ଫିଲ୍ମର ପ୍ରଥମ ପୋଷ୍ଟର ଦେଖି । ଆଜ୍ଞା ହଁ, ଜାରି ହୋଇଯାଇଛି ‘ଦ ବିଗ ବୁଲ’ର ଫାଷ୍ଟ ପୋଷ୍ଟର ।
- " class="align-text-top noRightClick twitterSection" data="
">
ଅଭିଷେକ ନିଜ ଇନଷ୍ଟାଗ୍ରାମରେ ଫିଲ୍ମର ପୋଷ୍ଟର ରିଲିଜ କରିଛନ୍ତି । ପୋଷ୍ଟରରେ ଅଭିଷେକଙ୍କ ଚେହେରା ସ୍ପଷ୍ଟ ରୂପେ ନଜର ଆସୁନାହିଁ । ହେଲେ ସେ ଡମିନେଟିଂ ଅବତାରେ ଦେଖାଯାଉଛନ୍ତି । ଆଖିରେ କଳା ଚଷମା ଓ ହାଥରେ ସୁନା ମୁଦି ପିନ୍ଧି ଅଭିଷେକଙ୍କ ଏହି ଲୁକ ଖୁବ୍ ଇମ୍ପ୍ରେସିଭ ଲାଗୁଛି । ପୋଷ୍ଟର ବ୍ୟାକଗ୍ରାଉଣ୍ଡରେ ଫେଡେଡ ଫଣ୍ଟରେ ବଡ ବଡ ଅକ୍ଷରରେ ଲେଖାଯାଇଛି ‘ଦ ବିଗ ବୁଲର 2020’ ।
ଫିଲ୍ମର ଟାଇଟଲ ବୋଲ୍ଡ ଓ ଆକର୍ଷଣୀୟ ଫଣ୍ଟରେ ପୋଷ୍ଟର ତଳେ ଲେଖାଯାଇଛି । ଫିଲ୍ମର ପଞ୍ଚଲାଇନ ହେଲା ‘ଦ ମ୍ୟାନ ହ୍ବୁ ସୋଲଡ ଡ୍ରିମ୍ସ ଟୁ ଇଣ୍ଡିଆ ।’ ତଥା ସେହି ମଣିଷ ଯିଏ ଭାରତକୁ ନିଜ ସ୍ବପ୍ନ ବିକିଛି । ପୋଷ୍ଟର ସେୟାର କରି ଅଭିଷେକ ମଧ୍ୟ ଫିଲ୍ମର ପଞ୍ଚଲାଇନକୁ କ୍ୟାପସନରେ ଲେଖିଛନ୍ତି ।
‘ଦ ବିଗ ବୁଲ’ର ନିର୍ଦ୍ଦେଶନା ଦାୟିତ୍ବ ତୁଲାଇଛନ୍ତି କୁକି ଗୁଲାଟି । ସେହିପରି ଫିଲ୍ମର ପ୍ରଯୋଜନା ଅଜୟ ଦେବଗନ ଓ ଆନନ୍ଦ ପଣ୍ଡିତ ମିଶି କରୁଛନ୍ତି । ଫିଲ୍ମର କାହାଣୀ 1992ରେ ଭାରତରେ ହୋଇଥିବା ଷ୍ଟକ ମାର୍କେଟରେ ଏଯାବତର ସବୁଠାରୁ ସ୍କାମ ଉପରେ ଆଧାରିତ । ପ୍ରକାଶ ଥାଉକି ‘ଦ ବିଗ ବୁଲ’ ଟାଇଟଲ ବିଜେନମ୍ୟାନ ହର୍ଷଦ ମେହତାଙ୍କୁ କୁହାଯାଇଥିଲା । ଯିଏ ସ୍କାମର ମୁଖ୍ୟ ଅଭିଯୁକ୍ତ ।
