ମୁମ୍ବାଇ: ଗତବର୍ଷ ରିଲିଜ ହୋଇଥିବା ସଲମାନ ଖାନଙ୍କ ଭିଣୋଇ ଆୟୁଷ ଶର୍ମାଙ୍କ 'ଲଭଯାତ୍ରା' କୁ ଦର୍ଶକ ଖୁବ୍ ପସନ୍ଦ କରିଥିଲେ । ଏହି ଫିଲ୍ମ ଜରିଆରେ ସେ ମଧ୍ୟ ବେଶ ପପୁଲାର ହୋଇପାରିଥିଲେ । ଏବେ ସେ ଆଉ ଏକ ଫିଲ୍ମକୁ ନେଇ ଚର୍ଚ୍ଚାରେ ଅଛନ୍ତି । ଖୁବ୍ ଶୀଘ୍ର ସେ ଫିଲ୍ମ 'କ୍ବଥା'ରେ ନଜର ଆସିବେ । ଫିଲ୍ମରେ ସେ ଆର୍ମୀ ଅଫିସର ଭୂମିକାରେ ଦେଖାଯିବେ । ଫିଲ୍ମରେ ସେନା ଅଧିକାରୀ ଭୂମିକାରେ ଅଭିନୟ କରିବାକୁ ନେଇ ସେ ଖୁବ ଗର୍ବିତ । ଯାହାକୁ ନେଇ ସେ ସୁଟିଂ ଆରମ୍ଭ କରିବାକୁ ବହୁତ ଏକ୍ସାଇଟେଡ ଅଛନ୍ତି ।
'କ୍ବଥା' ଏକ ଆକ୍ସନ ଡ୍ରାମା ଫିଲ୍ମ ହେବାକୁ ଯାଉଛି । ଯାହା ଭାବନାତ୍ମକରେ ଭରପୁର । ଆୟୁଷ ଫିଲ୍ମରେ ଭିନ୍ନ ଲୁକରେ ନଜର ଆସିବେ । ଯାହାର ପ୍ରସ୍ତୁତି ସେ ଆରମ୍ଭ କରି ଦେଇଛନ୍ତି । 'କ୍ବଥା' ବାସ୍ତବ ଘଟଣାକୁ ନେଇ ଆଧାରିତ ହେବ ।
ଅନ୍ୟପଟେ ଫିଲ୍ମରେ ଏମିତି କିଛି ଘଟଣା ଦେଖିବାକୁ ମିଳିବ ଯାହା ଆପଣଙ୍କ ବିଚାର ଧାରାକୁ ସମ୍ପୂର୍ଣ୍ଣ ବଦଳାଇ ଦେବ । ଫିଲ୍ମର ସୁଟିଂ ଆସନ୍ତା ସେପ୍ଟେମ୍ବରରେ ଆରମ୍ଭ ହେବ ।
