ନୂଆଦିଲ୍ଲୀ: ବଲିଉଡ ସୁପରଷ୍ଟାର ଆମୀର ଖାନ ଖୁବ୍ ଶୀଘ୍ର ଅଭିନେତ୍ରୀ ଏଲି ଅବରାମଙ୍କ ସହ ଏକ ସ୍ବତନ୍ତ୍ର ଗୀତରେ ନଜର ଆସିବେ । ଏହି ଟ୍ରାକ ଖୁବ ଶୀଘ୍ର ମୁକ୍ତିଲାଭ କରିବ ବୋଲି ଆଶା କରାଯାଉଛି । ଏହି ଗୀତରେ ଆମୀରଙ୍କୁ ଏକ ସ୍ପେଶାଲ ଲୁକ୍ ରେ ଦେଖିବାକୁ ମିଳିବ ।
ଏହି ଗୀତରେ ଫ୍ୟାନ୍ସ ଆମିରଙ୍କ ହିପଷ୍ଟରଓ୍ବାଲା ଲୁକ୍ ର ଝଲକ ଦେଖିବାକୁ ପାଇବେ ।
ନିକଟରେ, 'ଲାଲ ସିଂ ଚଡ୍ଡା'ର ଷ୍ଟାର ଜୟପୁର ଯାତ୍ରା କରିଥିଲେ ଏବଂ ସେହି ସମୟରେ ଏହି ଗୀତର ସୁଟିଂ କରାଯାଇଥିଲା । ନିର୍ଦ୍ଦେଶକ ଭାବରେ ଡେବ୍ୟୁ କରିବାକୁ ଯାଉଥିବା ଆମୀର ତାଙ୍କ ଘନିଷ୍ଠ ବନ୍ଧୁ ଅମିନ ହାଜିଙ୍କ ପାଇଁ ଏହି ସୁଟ୍ କରିଥିଲେ।
ପ୍ରକାଶ ଥାଉ ଯେ, ବର୍ତ୍ତମାନ ଫ୍ୟାନ୍ସ ଉତ୍ସାହର ସହିତ ଏହି ଟ୍ରାକ୍ ର ଅପେକ୍ଷା କରିଛନ୍ତି । ଏଥିରେ ଆମୀରଙ୍କୁ ସମ୍ପୂର୍ଣ୍ଣ ଭିନ୍ନ ଅବତାରରେ ଦେଖିବାକୁ ମିଳିବ ।
ଆଗାମୀ ସମୟରେ, ଫିଲ୍ମ 'ଲାଲ ସିଂ ଚଡ୍ଡା'ରେ ଆମିରଙ୍କ ସହିତ କରୀନା କପୁର ଖାନ ନଜର ଆସିବେ ।
