କୋଚି: ଦକ୍ଷିଣ ଭାରତୀୟ ଅଭିନେତ୍ରୀ ଶାମନା କାସୀମଙ୍କୁ ଧମକ ଓ ବ୍ଲାକମେଲ କରିବା ଅଭିଯୋଗରେ କେରଳ ପୋଲିସ ଚାରି ଜଣ ଯୁବକଙ୍କୁ ଗିରଫ କରିଛି ।
ମରର୍ଡୁ ପୋଲିସ ଷ୍ଟେସନର ଜଣେ ପୋଲିସ ଅଧିକାରୀ କହିଛନ୍ତି, ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି ଏବଂ ଚାରି ଜଣଙ୍କୁ ଗିରଫ କରାଯାଇଛି ।
ନାମ ଗୋପନ ରଖିବା ସର୍ତ୍ତରେ ଅଧିକାରୀ କହିଛନ୍ତି, ଶାମନା କାସୀମଙ୍କୁ ଧମକ ଦେବା ଏବଂ ବ୍ଲାକମେଲ କରିବା ଅଭିଯୋଗରେ ଚାରିଜଣ ଯୁବକଙ୍କୁ ଗିରଫ କରାଯାଇଛି । ଏଥିସହ ସେମାନଙ୍କୁ ବର୍ତ୍ତମାନ ବିଚାର ବିଭାଗୀୟ ହାଜତକୁ ପଠାଯାଇଛି । ଅଧିକ ତଦନ୍ତ ଜାରି ରହିଛି ।
ପ୍ରକାଶ ଥାଉ କି, କାସୀମ ଜଣେ ନୃତ୍ୟଶିଳ୍ପୀ ଏବଂ ମଡେଲ ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ସେ ଟେଲିଭିଜନ୍ ଇଣ୍ଡଷ୍ଟ୍ରିରେ ସଫଳ ହେବା ପରେ ଚଳଚ୍ଚିତ୍ର ଇଣ୍ତଷ୍ଟ୍ରିରେ ପ୍ରବେଶ କରିଥିଲେ । 2004 ମସିହାରୁ ସେ ଏପର୍ଯ୍ୟନ୍ତ ପ୍ରାୟ 40 ଟି ଦକ୍ଷିଣ ଭାରତୀୟ ଚଳଚ୍ଚିତ୍ରରେ ଅଭିନୟ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
