ହାଇଦ୍ରାବାଦ: ଟ୍ୱିଟରରେ ଆପଣଙ୍କର ନାହିଁ କି ? ତଥାପି ଆପଣ ଟ୍ବିଟର ବ୍ରାଉଜିଂ କରିପାରୁଛନ୍ତି କି ? ଯଦି ହଁ ତାହେଲେ ଏବେ ଠାରୁ ତାହା ସମ୍ଭବ ହୋଇପାରିବ ନାହିଁ । କାରଣ ମାଇକ୍ରୋବଗ୍ଲିଂ ସାଇଟ ଟ୍ବିଟର ବିନା ଆକାଉଣ୍ଟରେ ଏହାର ୱେବ୍ ପ୍ଲାଟଫର୍ମରେ ବ୍ରାଉଜିଂ ଆକ୍ସେସ ବନ୍ଦ କରିଦେଇଛି । ଏହାର ଅର୍ଥ ଯଦି ଆପଣଙ୍କର ଟ୍ବିଟର ଆକାଉଣ୍ଟ ନାହିଁ ତେବେ ଚାହିଁଲେ ମଧ୍ୟ ଏବଂ ଆପଣ ଆଉ କୌଣସି ପ୍ରକାରେ ମଧ୍ୟ ଟ୍ବିଟ ଦେଖିପାରିବେ ନାହିଁ । ଟ୍ୱିଟ୍ ଦେଖିବା ପାଇଁ ସେମାନଙ୍କୁ ପ୍ରଥମେ ଏକ ଆକାଉଣ୍ଟ୍ ଖୋଲିବାକୁ ପଡିବ ବୋଲି ସୂଚନା ଦିଆଯାଇଛି । ଡାଟା ସ୍କ୍ରାପିଂ ହେତୁ ଏହି କଠୋର କାର୍ଯ୍ୟାନୁଷ୍ଠାନ ଆବଶ୍ୟକ ବୋଲି ଶନିବାର ଏଲୋନ୍ ମସ୍କ କହିଛନ୍ତି ।
ଏଲନ ମସ୍କ ଟ୍ବିଟ କରି ଏହି ସୂଚନା ଦେଇଛନ୍ତି: ଖବର ଅନୁଯାୟୀ, ଯଦିଓ ଏହି ଟୁଇଟ୍ ସର୍ବସାଧାରଣଙ୍କ ନିକଟରେ ଉପଲବ୍ଧ ନହୁଏ ତେବେ ସର୍ଚ୍ଚ ଇଞ୍ଜିନ୍ ଆଲଗୋରିଦମ ଟ୍ୱିଟରର ବିଷୟବସ୍ତୁକୁ କମ୍ କରିପାରେ । ମସ୍କ ଏହା ମଧ୍ୟ କହିଛନ୍ତି ଯେ, ଏହା ଏକ ଅସ୍ଥାୟୀ ଜରୁରୀକାଳୀନ ପଦକ୍ଷେପ । ଟ୍ବିଟର ମୁଖ୍ୟ ଏଲନ ମସ୍କ ଟ୍ବିଟ କରି କହିଛନ୍ତି, ଆମର ତଥ୍ୟ ଏତେ ଲୁଟ୍ ହେଉଥିଲା ଯେ ଏହା ସାଧାରଣ ବ୍ୟବହାରକାରୀଙ୍କ ପାଇଁ ଏକ ଅପମାନଜନକ ସେବା ଥିଲା । ସେ ଦାବି କରିଛନ୍ତି ଯେ ଷ୍ଟାର୍ଟଅପ୍ ଠାରୁ ଆରମ୍ଭ କରି ପୃଥିବୀର କେତେକ ବଡ ବଡ ନିଗମ ପର୍ଯ୍ୟନ୍ତ AI କାର୍ଯ୍ୟ କରୁଥିବା ପ୍ରାୟ ସମସ୍ତ କମ୍ପାନୀ ବହୁ ପରିମାଣର ତଥ୍ୟ ସ୍କ୍ରାପ୍ କରୁଥିଲେ । ଏହି କାରଣରୁ ଏହି ପଦକ୍ଷେପ ନିଆଯାଇଛି ।
ମସ୍କଙ୍କ ଅନୁଯାୟୀ, ଅଳ୍ପ ସଂଖ୍ୟକ AI ଷ୍ଟାର୍ଟଅପର ଅପମାନଜନକ ମୂଲ୍ୟବୋଧକୁ ସୁଗମ କରିବା ପାଇଁ ଜରୁରୀକାଳୀନ ଭିତ୍ତିରେ ବହୁ ସଂଖ୍ୟକ ସର୍ଭର ଅନଲାଇନରେ ଆଣିବା କଷ୍ଟକର । ରିପୋର୍ଟରେ କୁହାଯାଇଛି ଯେ ଟ୍ୱିଟରର ଅନେକ ପରିବର୍ତ୍ତନ ପରି, ଏହି ପଦକ୍ଷେପର ଓଲଟା ପ୍ରଭାବ ପଡିପାରେ ବୋଲି କୁହାଯାଇଛି ।
ଟ୍ୱିଟର ଡେଲି ପକ୍ଷରୁ ପୋଷ୍ଟ କରି କୁହାଯାଇଛି, ଏଭଳି ନିଆଯାଇଥିବା ପଦକ୍ଷେପରୁ ଏହା ଜଣପଡୁଛି ଯେ, ଟ୍ବିଟର ନିଜର ତଥ୍ୟକୁ ମାଗଣାରେ ସେୟାର କରିବା ପାଇଁ ଚାହୁଁନାହିଁ । ଏହି ପଦକ୍ଷେପ ଦ୍ବାରା ଟ୍ବିଟରର ମିସୟୁଜ ହୋଇପାରିବ ନାହିଁ । କିମ୍ବା ଇଚ୍ଛା ମୁତାବକ ଏମବାର୍ଡ କରିପାରିବ ନାହିଁ । ଏହା ଦ୍ବାରା ଟ୍ବିଟରର ଗୋପନୀୟତା ବଜାୟୀ ରହିବ।
ଏହା ମଧ୍ୟ ପଢନ୍ତୁ: Twitter Blue Users: ଆଉ ଏକ ସୁବିଧା ଆଣିଲା ଟ୍ବିଟର, ଏଣିକି ଏତିକି ଅକ୍ଷରରେ କରିପାରିବେ ଟ୍ବିଟ
ବ୍ୟୁରୋ ରିପୋର୍ଟ, ଇଟିଭି ଭାରତ
