PM Modi In ISRO: 'ଚନ୍ଦ୍ରଯାନ-3ର ସଫଳତାରେ ମହିଳା ବୈଜ୍ଞାନିକଙ୍କ ଭୂମିକା ମହତ୍ତ୍ବପୂର୍ଣ୍ଣ'

ବେଙ୍ଗାଲୁରୁ ସ୍ଥିତ ଇସ୍ରୋ ମୁଖ୍ୟାଳୟକୁ ଯାଇ ବୈଜ୍ଞାନିକଙ୍କୁ ଭେଟିଲେ ମୋଦି । ଇସ୍ରୋ ବୈଜ୍ଞନିକଙ୍କ ପରିଶ୍ରମକୁ ମୁଁ ସାଲ୍ୟୁଟ କରୁଛି ବୋଲି କହିବା ସହିତ ଚନ୍ଦ୍ରଯାନ-3ର ସଫଳତାରେ ମହିଳା ବୈଜ୍ଞାନିକଙ୍କ ମହତ୍ତ୍ବପୂର୍ଣ୍ଣ ଭୂମିକା ରହିଛି ବୋଲି କହିଛନ୍ତି ପ୍ରଧାନମନ୍ତ୍ରୀ । ଅଧିକ ପଢନ୍ତୁ

ବେଙ୍ଗାଲୁରୁ: ଭାରତର ଐତିହାସିକ ଦିନ ଅର୍ଥାତ ଚନ୍ଦ୍ରଯାନ-3 ଚନ୍ଦ୍ରର ଦକ୍ଷିଣ ମେରୁରେ ସଫଳ ଲ୍ୟାଣ୍ଡିଂ କରିବା ସମୟରେ ବିଦେଶ ଗସ୍ତରେ ଥିଲେ ପ୍ରଧାନମନ୍ତ୍ରୀ ମୋଦି । ଭର୍ଚୁଆଲରେ ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ଆଜି ବେଙ୍ଗାଲୁରୁରେ ଇସ୍ରୋ ବୈଜ୍ଞାନିକଙ୍କୁ ଭେଟିଛନ୍ତି । ବେଙ୍ଗାଲୁରୁ ସ୍ଥିତ ଇସ୍ରୋ ମୁଖ୍ୟାଳୟରେ ପହଞ୍ଚି ଚନ୍ଦ୍ରଯାନ-3ର ସଫଳ ଅବତରଣ ପାଇଁ ବୈଜ୍ଞାନିକଙ୍କୁ ଶୁଭେଚ୍ଛା ଜଣାଇ ଆଲିଙ୍ଗନ କରିଥିଲେ । ଇସ୍ରୋ ବୈଜ୍ଞାନିକଙ୍କୁ ସମ୍ବୋଧନ କରିବା ସମୟରେ ମୋଦିଙ୍କ ଆଖିରେ ଆସିଥିଲା ଖୁସିର ଲୁହ । ଆପଣଙ୍କ ପରିଶ୍ରମ ଏବଂ ଧୌର୍ଯ୍ୟକୁ ଯେତେ ପ୍ରଂଶସା କରିଲେ ମଧ୍ୟ କମ ପଡିବ ବୋଲି କହିଥିଲେ ପ୍ରଧାନମନ୍ତ୍ରୀ । ଏହାପରେ ଚନ୍ଦ୍ରଯାନ ମିଶନ ସହିତ ଜଡିତ ଥିବା ମହିଳା ବୈଜ୍ଞାନିକଙ୍କୁ ଭେଟିଥିଲେ ।

• In the success of Chandrayaan-3 lunar mission, our women scientists, the country's Nari Shakti have played a big role. pic.twitter.com/iTD82erd9s

  — PMO India (@PMOIndia) August 26, 2023 " class="align-text-top noRightClick twitterSection" data="

  In the success of Chandrayaan-3 lunar mission, our women scientists, the country's Nari Shakti have played a big role. pic.twitter.com/iTD82erd9s

  — PMO India (@PMOIndia) August 26, 2023

  ">

  In the success of Chandrayaan-3 lunar mission, our women scientists, the country's Nari Shakti have played a big role. pic.twitter.com/iTD82erd9s

  — PMO India (@PMOIndia) August 26, 2023

ଇସ୍ରୋରେ ଅଧିକ ସମୟ ବିତାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେଠାରେ ଉପସ୍ଥିତ ଥିବା ମହିଳା ବୈଜ୍ଞାନିକଙ୍କ ସହ ଆଲୋଚନା କରିବା ସହିତ ଫଟୋ ମଧ୍ୟ ଉଠାଇଥିଲେ । ଚନ୍ଦ୍ରଯାନ-3 ବିଷୟରେ ପଚାରି ବୁଝିବା ସହ ଅବତରଣ ବେଳର ଅନୁଭୂତିକୁ ପଚାରିଥିଲେ ମୋଦି । ଚନ୍ଦ୍ରଯାନ-3ର ସଫଳତାରେ ମହିଳା ବୈଜ୍ଞାନିକମାନେ ମହତ୍ତ୍ବପୂର୍ଣ୍ଣ ଭୂମିକା ନିଭାଇଥିବା ପ୍ରଧାନମନ୍ତ୍ରୀ କହିଥିଲେ ।

• Interacting with our @isro scientists in Bengaluru. The success of Chandrayaan-3 mission is an extraordinary moment in the history of India's space programme. https://t.co/PHUY3DQuzb

  — Narendra Modi (@narendramodi) August 26, 2023 " class="align-text-top noRightClick twitterSection" data="

  Interacting with our @isro scientists in Bengaluru. The success of Chandrayaan-3 mission is an extraordinary moment in the history of India's space programme. https://t.co/PHUY3DQuzb

  — Narendra Modi (@narendramodi) August 26, 2023

  ">

  Interacting with our @isro scientists in Bengaluru. The success of Chandrayaan-3 mission is an extraordinary moment in the history of India's space programme. https://t.co/PHUY3DQuzb

  — Narendra Modi (@narendramodi) August 26, 2023

ଇସ୍ରୋର ଐତିହାସିକ ସଫଳତାକୁ ନେଇ ପ୍ରଧାନମନ୍ତ୍ରୀ କହିଥିଲେ, "ଇସ୍ରୋ ଏବଂ ଭାରତର ଏହି ସଫଳତା ଆଗାମୀ ପିଢିକୁ ବିଜ୍ଞାନକୁ ଗମ୍ଭୀରତାର ସହ ନେବା ସହିତ ଲୋକଙ୍କ କଲ୍ୟାଣ ପାଇଁ ଏହାର ଉପଯୋଗ କରିବାକୁ ପ୍ରେରଣା ଯୋଗାଇବ । ଲୋକଙ୍କ କଲ୍ୟାଣ ଆମର ସର୍ବୋଚ୍ଚ ପ୍ରତିବଦ୍ଧତା ।" ଇସ୍ରୋ ବୈଜ୍ଞାନିକମାନଙ୍କୁ ଐତିହାସିକ ଚନ୍ଦ୍ରାବତରଣର ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ଇସ୍ରୋ ବୈଜ୍ଞାନିକମାନେ ଦେଶକୁ ଏକ ନମ୍ବର କରିପାରିଛନ୍ତି । ଆମ ପାଇଁ ଏହା କୌଣସି ସାଧାରଣ ଉପଲବ୍ଧି ନୁହେଁ ।

ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି, "ଭାରତ ଚନ୍ଦ୍ରରେ ଅଛି । ଅର୍ଥାତ ଭାରତର ମୁନ ମିଶନ ସଫଳ ହୋଇସାରିଛି । ଏହି ମିଶନ ଆମର ମହାକାଶ ଗବେଷଣା କ୍ଷେତ୍ରରେ ପାରଦର୍ଶିତାକୁ ସୂଚୀତ କରୁଛି । ଆମେ ଆମର ରାଷ୍ଟ୍ରୀୟ ଗୌରବର ପ୍ରତୀକ ତ୍ରିରଙ୍ଗାକୁ ଚନ୍ଦ୍ରରେ ରଖିଛୁ ।" ଅନ୍ୟପଟେ ଇସ୍ରୋ ବୈଜ୍ଞାନିକଙ୍କୁ ପ୍ରଶଂସା କରି ମୋଦି କହିଛନ୍ତି, "ଆପଣ ଆମକୁ ସେହି ସ୍ଥାନରେ ପହଞ୍ଚାଇଛନ୍ତି, ଯାହା ପୂର୍ବରୁ କେହି କରିପାରି ନଥିଲେ । ଏହା ହେଉଛି ଆଜିର ଭାରତ ଏବଂ ଏକ ନିର୍ଭୟ ଭାରତ । ଏହା ହେଉଛି ନୂତନ ଏବଂ ଅଭିନବ ଚିନ୍ତାଧାରାରେ ପରିପୂର୍ଣ୍ଣ ଭାରତ । ଆମର ଚିନ୍ତାଧାରା ବଦଳି ଯାଇଛି । ଏହା ଏଭଳି ଏକ ଭାରତ ଯାହା ଚନ୍ଦ୍ରର ଅନ୍ଧକାର ପାର୍ଶ୍ୱରୁ ମଧ୍ୟ ବିଶ୍ୱକୁ ଆଶାର କିରଣ ପ୍ରଦାନ କରୁଛି । ଚନ୍ଦ୍ରଯାନ-3ର ସ୍ମୃତି ଅମର ହୋଇରହିବ । ଇସ୍ରୋ ବୈଜ୍ଞନିକଙ୍କ ପରିଶ୍ରମକୁ ମୁଁ ସାଲ୍ୟୁଟ କରୁଛି। " ତେବେ ପ୍ରଧାନମନ୍ତ୍ରୀଙ୍କୁ ଭେଟି ମହିଳା ବୈଜ୍ଞାନିକମାନେ ମଧ୍ୟ ଖୁସି ହୋଇଥିବା ନଜର ଆସିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ