ହାଇଦ୍ରାବାଦ: ଗୁଗଲର ସିଇଓ ସୁନ୍ଦର ପିଚାଇଙ୍କ ଏକ ପାଞ୍ଚ ବର୍ଷ ପୁରୁଣା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯେଉଁଠାରେ ସେ କହିଥିଲେ ଯେ ଆଗାମୀ ସମୟରେ ଏପରି ଉପକରଣଗୁଡ଼ିକ ବିକଶିତ ହେବ ଯାହା କେବଳ ଆଖି ସ୍କାନ କରି ଶରୀରର ପ୍ରତ୍ୟେକ ରୋଗ ଚିହ୍ନଟ କରିବ । ଏପରି ଏକ ସମୟ ଥିଲା ଯେତେବେଳେ ଡାକ୍ତରମାନେ ନାକକୁ ଦବାଇ କିମ୍ବା ଆଖି କିମ୍ବା ନଖର ରଙ୍ଗ ଦେଖି ରୋଗ ବିଷୟରେ ଜାଣୁଥିଲେ । କିନ୍ତୁ ଚିକିତ୍ସା ବିଜ୍ଞାନରେ ଅଗ୍ରଗତି ହୋଇଥିଲା ଏବଂ ରୋଗ ଚିହ୍ନଟ ପାଇଁ ବିଭିନ୍ନ କୌଶଳ ଆସିଥିଲା । ପୁରୁଣା ଭିଡିଓରେ ସୁନ୍ଦର ପିଚାଇ କହିଥିଲେ ଯେ କୃତ୍ରିମ ବୁଦ୍ଧି ଦ୍ୱାରା ଏହା ସମ୍ଭବ ହେବ ।
5 ବର୍ଷ ପୁରୁଣା ଭିଡିଓ ଭାଇରାଲ ହେଉଛି: ଟ୍ୱିଟରରେ ଭାଇରାଲ୍ ହେଉଛି ସୁନ୍ଦର ପିଚାଇଙ୍କ ଏକ ଭିଡିଓ । ଯାହା 2018 ଗୁଗଲ୍ IO ଇଭେଣ୍ଟରୁ ଆସିଛି । ଏହି ଭିଡିଓକୁ ନେଇ ପୂର୍ବତନ ନୌସେନା ଅଧିକାରୀ ତଥା ଲେଖକ ହରିନ୍ଦର ଏସ ସିକ୍କା ଟ୍ୱିଟ୍ କରିଛନ୍ତି, XRay, CTscan ଏବଂ MRIକୁ ବିଦାୟ । ଆଖିକୁ ସ୍କାନ କରି ହୃଦ୍ ରୋଗ ଚିହ୍ନଟ କରାଯାଇପାରିବ । ଡାକ୍ତରମାନେ ବର୍ତ୍ତମାନ ଶରୀର ଭିତରେ ଏକ ସ୍ପଷ୍ଟ ଦୃଶ୍ୟ ପାଇପାରିବେ ।" ଏହି ଭିଡିଓରେ ସୁନ୍ଦର ପିଚାଇ କହିଛନ୍ତି ଯେ AI (ଆର୍ଟିଫିସିଆଲ୍ ଇଣ୍ଟେଲିଜେନ୍ସ) ଦୁନିଆର ଅନେକ କ୍ଷେତ୍ରରେ ବ୍ୟାପକ ପରିବର୍ତ୍ତନ ଆଣିପାରେ । ସେ ସ୍ବତନ୍ତ୍ର ଭାବରେ ସ୍ୱାସ୍ଥ୍ୟାସେବାର ଉଦାହରଣ ଦେଇଛନ୍ତି, ଯେଉଁଠି ଆର୍ଟିଫିସିଆଲ୍ ଇଣ୍ଟେଲିଜେନ୍ସ ପରିବର୍ତ୍ତନର କାରଣ ସାଜିପାରେ।
ଏମିତି ଜଣାପଡିବ ରୋଗ: ସୁନ୍ଦର ପିଚାଇ କହିଛନ୍ତି, "ଗତ ବର୍ଷ ଆମେ ଡାଇବେଟିସ୍ ରେଟିନୋପାଥି ଉପରେ ରିସର୍ଚ୍ଚ କରିଥିଲୁ । ଏହି ସମସ୍ୟା ହେତୁ ଅନେକ ଲୋକ ଦୃଷ୍ଟିବାଧିତର ସମ୍ମୁଖୀନ ହେଉଛନ୍ତି । ଏହାକୁ ନେଇ ଆମେ ଅବଗତ ହେବାପରେ ଏକ ସିଷ୍ଟମ ବିକଶିତ କରିଛୁ ଯାହା ମାଧ୍ୟମରେ ଡାକ୍ତରମାନେ ଏହି ସମସ୍ୟାକୁ ଠିକ ସମୟରେ ଚିହ୍ନଟ କରିପାରିବେ । ସେବେଠାରୁ ଆମେ ଭାରତୀୟ ଡାକ୍ତରଖାନାଗୁଡ଼ିକରେ ଏହି ଟେକ୍ନୋଲୋଜିର ଫିଲ୍ଡ ଟ୍ରାଏଲ୍ କରୁଛୁ। ଏହାର ପରୀକ୍ଷା ସଫଳ ହେଉଛି । ଯେଉଁଠାରେ ତାଲିମପ୍ରାପ୍ତ ଡାକ୍ତରମାନଙ୍କର ଅଭାବ ଅଛି, ସେଠାରେ ଆମର ଟେକ୍ନୋଲୋଜି କାମ କରୁଛି ।"
ଏହି ଭିଡିଓରେ, ପିଚାଇ ବ୍ୟାଖ୍ୟା କରିଛନ୍ତି ଯେ ଫ୍ରିଲ୍ଡ ଟ୍ରାଏଲ ସମୟରେ, ଆମର ଏଆଇ ସିଷ୍ଟମ୍ ରେଟିନୋପାଥି ତଥା ଅନ୍ୟାନ୍ୟ କ୍ଷେତ୍ରରେ ଅତ୍ୟାଧୁନିକ ସୂଚନା ପ୍ରଦାନ କରିଥାଏ। ଏହା ମାଧ୍ୟମରେ ଜଣେ ବ୍ୟକ୍ତିର ବୟସ, ଯୌନ ସମ୍ପର୍କ, ଧୂମପାନ ଅଭ୍ୟାସ ଇତ୍ୟାଦି ଗୋଟିଏ ଆଖି ସ୍କାନରୁ ଜଣା ପଡିପାରେ। ଏହାସହ ଗୁରୁତ୍ବପୂର୍ଣ୍ଣ ବିଷୟ ହେଉଛି ସ୍କାନରୁ ଏହା ମଧ୍ୟ ଜାଣିହେବ ଯେ ଆସନ୍ତା ପାଞ୍ଚ ବର୍ଷ ମଧ୍ୟରେ ହୃଦଘାତ ହେବାର ସମ୍ଭାବନା ଅଛି କି ନାହିଁ ।
ବ୍ୟୁରୋ ରିପୋର୍ଟ, ଇଟିଭି ଭାରତ
