ଗଜପତି: ଜିଲ୍ଲାର ଗାରାବନ୍ଧ ପୋଲିସକୁ ବଡ ସଫଳତା । ଆଇପିଏଲ ବେଟିଂ କରୁଥିବା ଏକ ବଡ ଗ୍ୟାଙ୍ଗକୁ ଧରିବାରେ ସଫଳ ହୋଇଛି ପୋଲିସ । ଏ ଘଟଣାରେ ଜଡିତ ଥିବା ଅଭିଯୋଗରେ 10ଜଣଙ୍କୁ ଗିରଫ କରାଯାଇଛି । ଏହା ସହ ସେମାନଙ୍କ ନିକଟରୁ 43 ହଜାର 7 ଶହ 40 ଟଙ୍କା ମଧ୍ୟ ଜବତ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଗଜପତି
ସୂଚନାନୁସାରେ ବିଶେଷ ସୂତ୍ରରୁ ଖବର ପାଇଁ ଗୁରୁବାର ସନ୍ଧ୍ୟାରେ ପୋଲିସ ଗାରାବନ୍ଧ ଚାଉଳ ମିଲ ନିକଟରେ ଅତର୍କିତ ଚଢାଉ କରିଥିଲା । ସେଠାରେ କିଛି ଲୋକ ଆଇପିଏଲକୁ ନେଇ ଟଙ୍କା କାରବାର କରୁଥିଲେ । ଏହି ସମୟରେ ପୋଲିସ ଚଢାଉ କରି ଘଟଣାସ୍ଥଳରୁ 10 ଜଣଙ୍କୁ ଗିରଫ କରିଥିଲା । ଗିରଫ ବ୍ୟକ୍ତିଙ୍କୁ କୋର୍ଟ ଚାଲାଣ କରାଯିବ ବୋଲି ଶୁକ୍ରବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ପାରଳାଖେମୁଣ୍ଡି ଥାନାରେ ଏସଡିପିଓ ଠାକୁର ପ୍ରସାଦ ପାତ୍ର ସୂଚନା ଦେଇଛନ୍ତି ।
ଗଜପତିରୁ ହରିହର ପଟ୍ଟନାୟକ, ଇଟିଭି ଭାରତ
