ବ୍ରହ୍ମଗିରି: ରାସ୍ତାରେ ମଦ୍ୟପର ଆତଙ୍କ । 3 ଘଣ୍ଟା ଧରି ରାସ୍ତାରେ ଯାଉଥିବା ବାଟୋଇଙ୍କୁ ଆକ୍ରମଣ କରି ଆତଙ୍କ ସୃଷ୍ଟି କରିଛି ନିଶାସକ୍ତ । ପରେ ସ୍ଥାନୀୟ ଲୋକ ତାକୁ ବହୁକଷ୍ଟରେ କାବୁ କରି ପୋଲିସ ଜିମା ଦେଇଛନ୍ତି । ଏପରି ଦେଖିବାକୁ ମିଳିଛି ବ୍ରହ୍ମଗିରି ଖଜୁରିଆ ରାସ୍ତାର ମିରିଜାପୁର ଛକ ନିକଟରେ ।
ଭିଡିଓ ସୌଜନ୍ୟ; ପ୍ରତିନିଧି, ବ୍ରହ୍ମଗିରି
ଗୁରୁବାର ଦିନ ଦ୍ବିପ୍ରହରରେ ଜଣେ ମଦ୍ୟପ 3 ଘଣ୍ଟା ଧରି ରାସ୍ତାରେ ଯାଉଥିବା ଲୋକଙ୍କୁ ଗୋଡାଇ ବାଡେଇବା ସହ 3 ଜଣ ଛୋଟ ପିଲାଙ୍କୁ ଆକ୍ରମଣ କରିଥିଲା । ଏଥିରେ ଜଣେ ଛୋଟ ଝିଅର ମୁଣ୍ଡ ଫାଟିଯାଇଥିଲା । ଫଳରେ ସ୍ଥାନୀୟ ଲୋକମାନେ ତାକୁ କାବୁ କରିବା ପାଇଁ ଉଦ୍ୟମ କରିଥିଲେ ।
ଏହା ପରେ ସେ ନିକଟରେ ଥିବା ବିଲରେ ପଶିଯାଇ ଲୋକଙ୍କୁ ଆକ୍ରମଣ କରିବାକୁ ଚେଷ୍ଟା କରିଥିଲା । ପରେ ତାକୁ ଲୋକମାନେ କାବୁ କରିବା ସହ ପୋଲିସ ଜିମାରେ ଦେଇଛନ୍ତି ।
ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ
