ୱାଂଶଟନ୍: କୋଭିଡଜନିତ ମୃତ୍ୟୁସଂଖ୍ୟା ଲୁଚାଉଛି ଚୀନ । କୋରୋନା ମୃତ୍ୟୁସଂଖ୍ୟା ଜନିତ ତଥ୍ୟ ଲୁଚାଇବାକୁ ନେଇ ଚିନ୍ତା ପ୍ରକଟ କରିଛି WHO । ଚୀନ ସମେତ ଅନ୍ୟ କେତେକ ଦେଶରେ କୋଭିଡ ସ୍ଥିତି ଅସମ୍ଭାଳ ହେବାରେ ଲାଗିଛି । ଚୀନରେ କୋରୋନା ସଂକ୍ରମଣ ଦୃତ ଗତିରେ ବୃଦ୍ଧି ପାଇବାରେ ଲାଗିଛି । ଏହାରି ମଧ୍ୟରେ ବିଶ୍ୱ ସ୍ୱାସ୍ଥ୍ୟ ସଂଗଠନ ମହାନିର୍ଦ୍ଦେଶକ ଟେଡ୍ରୋସ୍ ଆଡାନୋମ୍ ଗେବ୍ରେଏସସ୍ ବୁଧବାର କହିଛନ୍ତି ଯେ ଚୀନ୍ ମୃତ୍ୟୁସଂଖ୍ୟା ରିପୋର୍ଟ ଲୁଚାଇବା କାରଣରୁ ସାରା ବିଶ୍ୱରେ କରୋନାଜନିତ ମୃତ୍ୟୁ ପରିସଂଖ୍ୟନ ତଥ୍ୟ ହ୍ରାସ ପାଇଛି ।
WHO ରିପୋର୍ଟ ଅନୁଯାୟୀ "ଗତ ସପ୍ତାହରେ ବିଶ୍ୱରେ କରୋନାଜନିତ ମୃତ୍ୟୁସଂଖ୍ୟା ପ୍ରାୟ ୧୧ ହଜାର ୫୦୦ ରେକର୍ଡ କରାଯାଇଥିଲା । ରିପୋର୍ଟ ଅନୁଯାୟୀ ଆମେରିକାରୁ ପ୍ରାୟ ୪୦%, ୟୁରୋପରେ ୩୦% ଏବଂ ପଶ୍ଚିମ ପ୍ରଶାନ୍ତ ମହାସାଗରୀୟ କ୍ଷେତ୍ରରେ ୩୦% ମୃତ୍ୟୁ ଘଟିଥିବା ସୂଚାନା ରହିଛି । WHO ୱେବ୍ସାଇଟ୍ରେ ପ୍ରକାଶିତ ରିପୋର୍ଟ ଅନୁଯାୟୀ ଚୀନ୍ରେ କୋରୋନାଜନିତ ମୃତ୍ୟୁ ସମ୍ବନ୍ଧୀୟ ସଠିକ ସୂଚନା ମିଳିନଥିବା କୁହାଯାଇଛି ।
WHO ମୁଖ୍ୟ ଟେଡ୍ରୋସ ସମସ୍ତ ଦେଶକୁ କୋଭିଡଜନିତ ମୃତ୍ୟୁକୁ ନେଇ ପ୍ରକୃତ ପରିସଂଖ୍ୟାନ ବା ତଥ୍ୟ ଦେବାକୁ ନିବେଦନ କରିଛନ୍ତି । ଯାହାଦ୍ବାରା କୋଭିଡ ସଂକ୍ରମଣ ରୋକିବାକୁ ଅଧିକ ପ୍ରଭାବଶାଳୀ ଢଙ୍ଗରେ ସହଯୋଗ କରିହେବ । ଗତ ସପ୍ତାହରେ, ଟେଡ୍ରୋସ୍ ଚୀନକୁ କୋଭିଡ ହସ୍ପିଟାଲରେ ଭର୍ତ୍ତି ଏବଂ ଦେଶରେ ମୃତ୍ୟୁ ବିଷୟରେ ନିର୍ଭରଯୋଗ୍ୟ ତଥ୍ୟ ମାଗିଥିଲେ।
ଜେନେଭାରେ ଏକ ଗଣମାଧ୍ୟମ ସମ୍ମିଳନୀରେ ଟେଡ୍ରୋସ କହିଛନ୍ତି ଯେ ଡାକ୍ତରଖାନାରେ ଭର୍ତ୍ତି ହେବା ଏବଂ ମୃତ୍ୟୁ ବିଷୟରେ ନିୟମିତ, ନିର୍ଭରଯୋଗ୍ୟ ତଥ୍ୟ ତଥା ଦେବାକୁ ଚୀନକୁ ବାରମ୍ବାର କୁହାଯାଇଛି । ମାତ୍ର ବେଜିଂ ପ୍ରକୃତ ତଥ୍ୟ ଲୁଚାଇବାକୁ ନେଇ ଚିନ୍ତା ପ୍ରକଟ କରିଛି WHO । ଅପରପକ୍ଷେ, ଟେଡ୍ରୋସ ଆମେରିକାର କର୍ତ୍ତୃପକ୍ଷଙ୍କ ସହଯୋଗକୁ ପ୍ରଶଂସା କରିଥିଲେ, ଯେଉଁଠାରେ ନୂତନ ଓମିକ୍ରନ୍ ସବ୍-ଭାରିଆଣ୍ଟ XBB.୧.୫ ସମ୍ପର୍କରେ ପ୍ରକୃତ ତଥ୍ୟ ଆମେରିକାର ପ୍ରଦାନ କରିଛି ।
କୋଭିଡକୁ ନେଇ WHOର ବୈଷୟିକ ଅଗ୍ରଣୀ ମାରିଆ ୱାନ୍ କେର୍ଖୋଭ କହିଛନ୍ତି ଯେ ୱାଶିଂଟନ୍ ଏପର୍ଯ୍ୟନ୍ତ XBB.୧.୫ ରେ ଉପଲବ୍ଧ ପ୍ରାୟ ସମସ୍ତ ତଥ୍ୟ ଯୋଗାଇ ଦେଇଛି, ଯାହାକି ଏପର୍ଯ୍ୟନ୍ତ କୋଭିଡର ସବୁଠାରୁ ଟ୍ରାନ୍ସମିସିବଲ୍ ଫର୍ମ । ୩୮ଟି ଦେଶରେ ଏହି ସବ୍ ଭାରିଆଣ୍ଟ ଚିହ୍ନଟ ହୋଇଥିବା ବେଳେ ଅନ୍ୟ ପ୍ରକାରର ଜୀବାଣୁ ତୁଳନାରେ “ଅଭିବୃଦ୍ଧି” କମ୍ ରହିଛି ବୋଲି ସେ ଗଣମାଧ୍ୟମକୁ କହିଛନ୍ତି । ପୂର୍ବ ସଂକ୍ରମଣ କିମ୍ବା ଟୀକାକରଣରୁ ରୋଗ ପ୍ରତିରୋଧକ ଶକ୍ତି ଏହି ସବ୍ ଭାରିଆଣ୍ଟ ରକ୍ଷା କରିବାରେ କାର୍ଯ୍ୟ କରିବ ବୋଲି ବିଶ୍ୱାସ କରୁଛୁ ।
ଚୀନ୍ର ଅଧିକାରୀମାନେ ସେମାନଙ୍କର ପଦ୍ଧତି ପରିବର୍ତ୍ତନ କରିବାକୁ ଆଗ୍ରହୀ ନୁହଁନ୍ତି । ତଥ୍ୟ ଅଭାବରୁ ଦେଶଗୁଡିକ ସତର୍କତା ଅବଲମ୍ବନ କରିବାକୁ WHO ପରାମର୍ଶ ଦେଇଛି । ମିଳିତ ଜାତିସଂଘର ସ୍ୱାସ୍ଥ୍ୟ ଏଜେନ୍ସି ମଧ୍ୟ ଉଦ୍ବେଗ ପ୍ରକାଶ କରିଛି ଯେ ଚୀନ୍ ଏବଂ ଅନ୍ୟାନ୍ୟ ଦେଶ ମଧ୍ୟ କୋଭିଡର ସମ୍ଭାବ୍ୟ ନୂତନ ଭାରିଆଣ୍ଡ ଚିହ୍ନଟ କରିବାରେ ସାହାଯ୍ୟ କରିବାକୁ ଆବଶ୍ୟକ ପରୀକ୍ଷଣ ଏବଂ କ୍ରମରେ ଯଥେଷ୍ଟ ଧ୍ୟାନ ଦେଉନାହାଁନ୍ତି ।
