କାଠମାଣ୍ଡୁ: ନେପାଳରେ ନିଖୋଜ ହେଲେ ୨ ଭାରତୀୟ ଯୁବକ । କପିଳବସ୍ତୁ ଜିଲ୍ଲାରେ ଭୂସ୍ଖଳନ ହେବାରୁ 2 ଭାରତୀୟ ତୀର୍ଥଯାତ୍ରୀ ନିଖୋଜ ହୋଇଯାଇଥିବା ସୂଚନା ମିଳିଛି । ନିଖୋଜ ୨ଯୁବକ ହେଉଛନ୍ତି ଉତ୍ତରପ୍ରଦେଶ ବଳରାମପୁର ଜିଲ୍ଲାର 17 ବର୍ଷୀୟ ନିଖିଲ କୌଶଲ ଏବଂ ୧୮ ବର୍ଷିୟ ସୁରଜ ସୋନି । ସୂଚନା ଅନୁଯାୟୀ ଏକ କାର୍ ଯୋଗେ ୧୬ ଜଣ ଭାରତୀୟ ତୀର୍ଥଯାତ୍ରୀ ନେପାଳର ପିୟୁଥର ଜିଲ୍ଲାର ପ୍ରସିଦ୍ଧ ହିନ୍ଦୁ ମନ୍ଦିର ସ୍ବର୍ଗଦ୍ବାରୀ ବୁଲିବାକୁ ଆସିଥିଲେ ।
ସେଠାରୁ ଦର୍ଶନ ସାରି ଫେରୁଥିବା ସମୟରେ କପିଳବସ୍ତୁ ଜିଲ୍ଲାର ଏକ ଝରଣା ପାର ହେଉଥିଲେ ୨ ଯୁବକ । ଏହି ସମୟରେ ଭୁସ୍ଖଳ ହେବାରୁ ଉଭୟ ଭାସିଯାଇ ଥିଲେ । ଏନେଇ ସ୍ଥାନୀୟ ପୋଲିସ ଅଧିକାରୀ ସୂଚନା ଦେବା ସହ ଦୁଇ ନିଖୋଜ ଭାରତୀୟ ତୀର୍ଥଯାତ୍ରୀଙ୍କୁ ଖୋଜିବା ପାଇଁ ଉଦ୍ଧାର କାର୍ଯ୍ୟ ଚାଲିଥିବା ଅଧିକାରୀ କହିଛନ୍ତି।
