ଟୋକିଓ: ଜାପାନର ହକ୍କାଇଡୋରେ ବୁଡିଲା ପର୍ଯ୍ୟଟକଙ୍କୁ ନେଇ ଯାଉଥିବା ଡଙ୍ଗା । ୧୦ ଜଣଙ୍କର ମୃତ୍ୟୁ ହୋଇଥିବା ଜାପାନର କୋଷ୍ଟଗାର୍ଡ (JCG) ପକ୍ଷରୁ ସୂଚନା । ଡଙ୍ଗାରେ ମୋଟ ୨୬ ଯାତ୍ରୀ ଥିବା ବେଳେ ଉତ୍ତର ଜାପାନର ପୂର୍ବ ହକ୍କାଇଡୋରେ ବୁ଼ଡିଯାଇଥିଲା ।
ଜାପାନର କୋଷ୍ଟଗାର୍ଡ ସୂଚନାଅନୁଯାୟୀ ଗତ ଶନିବାର କାଜୁ ନାମକ ଏକ ଡଙ୍ଗା ଅପରାହ୍ନରେ ସୁନ୍ଦର ଶିରୋଟୋକା ପନିସୁଲାର ଏକ ଦର୍ଶନ ସ୍ଥାନକୁ ଯାଉଥିବା ବେଳେ ହଠାତ ପୂର୍ବ ହକ୍କାଇଡୋରେ ପାଣିରେ ବୁଡିଯାଇଥିବା ଖବର ମିଳିଥିଲା । ଡଙ୍ଗାରେ ୨ ଚାଳକରହିଥିବା ବେଳେ ୨୪ ଜଣ ଯାତ୍ରୀ ରହିଥିଲେ । ସଙ୍ଗେ ସଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ ଗୋଟିଏ ଦିନ ପରେ ୧୦ ଜଣଙ୍କ ମୃତଦେହ ଠାବ କରାଯାଇଥିଲା, ବାକି ୧୬ଜଣ ଏବେବି ନିଖୋଜ ରହିଛନ୍ତି । ସେମାନଙ୍କ ମଧ୍ୟରୁ ୨ଜଣ ଶିଶୁ ରହିଛନ୍ତି । ମୃତଙ୍କ ମଧ୍ୟରେ ୭ଜଣ ପୁରୁଷ ଓ ୩ଜଣ ମହିଳା ରହିଛନ୍ତି । ତେବେ ଉଦ୍ଧାର କାର୍ଯ୍ୟରେ ନିୟୋଜିତ ହେବାକୁ କ୍ୟାବିନେଟର ସମସ୍ତ ସଦସ୍ୟମାନଙ୍କୁ ନିର୍ଦ୍ଦେଶ ଦେଇଛନ୍ତି ଜାପାନ ପ୍ରଧାନମନ୍ତ୍ରୀ ।
@IANS
