ବ୍ୟାଙ୍ଗକକ୍: ଥାଇଲାଣ୍ଡରେ ଅଘଟଣ । ଥାଇଲାଣ୍ଡ ଉପକୂଳ ସମୁଦ୍ରରେ ବୁଡ଼ିଗଲା ଏଚଟିଏମ୍ଏସ୍ ସୁଖୋଥାଇ ଯୁଦ୍ଧ ଜାହାଜ । ଏଥିରେ 73 ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିବା ବେଳେ 33 ଜଣ ତଟରକ୍ଷୀ ବାହିନୀ ନିଖୋଜ ଅଛନ୍ତି । ସେନା ହେଲିକପ୍ଟର ଓ ଜାହାଜ ସାହାଯ୍ୟରେ ନିଖୋଜଙ୍କୁ ଖୋଜା ଚାଲିଛି । ଉଦ୍ଧାର କାର୍ଯ୍ୟରେ ନୌସେନାର ତିନୋଟି ଯୁଦ୍ଧ ଜାହାଜ ଓ ହେଲିକପ୍ଟର ମୁତୟନ ହୋଇଛି । ବିଳମ୍ବିତ ରାତିରେ ମଝି ସମୁଦ୍ରରେ ଅଥଳ ଜଳରାଶିରେ ଜାହାଜଟି ବୁଡ଼ିଯାଇଥିଲା ।
ଉପକୂଳଠାରୁ ପ୍ରାୟ 20 ମାଇଲ (20 nautical miles) ଦୂରରେ ଇଞ୍ଜିନ ତ୍ରୁଟି ଦେଖାଦେବାରୁ ହଠାତ୍ ଜାହାଜଟି ଓଲଟି ପଡ଼ିଥିଲା। ଏଥିରେ ପ୍ରାୟ 106 ଜଣ ଲୋକ ଥିବା କୁହାଯାଉଛି । ତେବେ ପାଗ ଖରାପ ଥିବାରୁ ଉଦ୍ଧାର କାର୍ଯ୍ୟରେ ବାଧା ସୃଷ୍ଟି ହୋଇଥିଲା । ଏବେ ଯୁଦ୍ଧକାଳୀନ ଭିତ୍ତିରେ ଉଦ୍ଧାରକାର୍ଯ୍ୟ ଜାରି ରହିଛି ।
