ପ୍ୟାରିସ୍: ଫ୍ରାନ୍ସ ରାଜଧାନୀ ପ୍ୟାରିସର ଏକ ବାର୍ରେ ଗୁଳିମାଡ ହୋଇଛି (Shooting At Bar In Paris) । ଏଥିରେ ଅତିକମରେ ଜଣଙ୍କ ମୃତ୍ୟୁ ହୋଇଯାଇଥିବା ବେଳେ ୪ ଜଣ ଗୁରୁତର ଆହତ ହୋଇଛନ୍ତି । ସୋମବାର ବିଳମ୍ବିତ ରାତିରେ ବାର୍ ଭିତରେ ଏହି ଗୁଳିକାଣ୍ଡ ଘଟିଛି । ଦୁଇ ଜଣ ବନ୍ଧୁକଧାରୀ ବାର୍ରେ ଆଖିବୁଜା ଗୁଳିମାଡ କରିଛନ୍ତି । ଏକ ମିଡିଆ ରିପୋର୍ଟରେ ଏ ସମ୍ପର୍କରେ ସୂଚନା ଦିଆଯାଇଛି । ତେବେ କାହିଁକି ସେମାନେ ଏପରି ଅତର୍କିତ ଗୁଳିଚାଳନା କରିଛନ୍ତି ସେନେଇ କୌଣସି ସ୍ପଷ୍ଟ ସୂଚନା ନାହିଁ ।
ସୂଚନା ଅନୁଯାୟୀ, ଦୁଇ ଜଣ ଆକ୍ରମଣକାରୀଙ୍କ ମଧ୍ୟରୁ ଜଣଙ୍କୁ ପୋଲିସ ଗିରଫ କରିଛି । ବର୍ତ୍ତମାନ ଏହି ଅଭିଯୁକ୍ତକୁ ପଚରାଉଚରା କରାଯାଉଛି । ଅନ୍ୟ ଜଣଙ୍କୁ ଖୋଜାଖୋଜି ଚାଲିଛି । ପ୍ୟାରିସର ଏକ ମହାନଗର ନିଗମ ଅଞ୍ଚଳରେ ସ୍ଥିତ ଏକ ବାର୍ରେ ଏହି ଗୁଳିମାଡ ହୋଇଛି । ସ୍ଥାନୀୟ ମେୟର ମୃତାହତଙ୍କ ସମ୍ପର୍କରେ ସ୍ପଷ୍ଟ କରିଛନ୍ତି ।
