ହାଇଦ୍ରାବାଦ: ନୋବେଲ ପୁରସ୍କାର ବିଜେତାଙ୍କୁ 10 ବର୍ଷର କାରାଦଣ୍ଡା ଦେଶ । 2022ରେ ଶାନ୍ତି ପୁରସ୍କାର ବିଜେତା ତଥା ଜଣାଶୁଣା ମାନବାଧିକାର କର୍ମକର୍ତ୍ତା ଏଲେସ ବିଆଲିଆତସ୍କିଙ୍କୁ ବେଲାଋଷର ଏକ କୋର୍ଟ 10 ବର୍ଷର କାରାଦଣ୍ଡା ଦେଶ ଶୁଣାଇଛନ୍ତି । ତେବେ ବିକ୍ଷୋଭ ପାଇଁ ପାଣ୍ଠି ଯୋଗାଣ କରିବା, ତସ୍କରି ପରି ଅନ୍ୟ କେତେକ ଅପରାଧିକ ମାମଲାରେ ତାଙ୍କୁ ଏହି ଦଣ୍ଡବିଧାନ କରାଯାଇଛି । 10 ବର୍ଷର କାରାଦଣ୍ଡା ଦେଶ ସହ 60 ବର୍ଷୀୟ ଏଲେସଙ୍କୁ 65 ହଜାର ୟୁରୋପୀୟ ଡଲାର ଜରିମାନା ଲଗାଇଛନ୍ତି କୋର୍ଟ । ତେବେ ଏଲେସଙ୍କ ସହ ତାଙ୍କର ଦୁଇ ସାଙ୍ଗଙ୍କୁ ମଧ୍ୟ 7ରୁ 9 ବର୍ଷ ପାଇଁ ଜେଲ ଦଣ୍ତରେ ଦଣ୍ଡିତ କରାଯାଇଛି । ଏହି ତିନି ଜଣଙ୍କୁ କଡା ସୁରକ୍ଷା ବଳୟରେ ରଖାଯିବ । ତେବେ କେତେକ ଗୋଷ୍ଠୀ ଏହାକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ରାୟ ଦର୍ଶାଇ ନିନ୍ଦା କରିଛନ୍ତି ।
ଅଧିକ ପଢ଼ନ୍ତୁ: ୟୁପି ବିଧାନସଭାରେ ବସିଲା କୋର୍ଟ, ଦିନକ ପାଇଁ ଜେଲ୍ ଗଲେ ୬ ଜଣ ପୋଲିସ୍
ବର୍ଷୀୟ ଏଲେସ୍ ହେଉଛନ୍ତି ମାନବ ଅଧିକାର ଗୋଷ୍ଠୀ 'ଭିଆସ୍ନା'ର ସହପ୍ରତିଷ୍ଠାତା । ମାନବାଧିକାର ଓ ଗଣତନ୍ତ୍ର ପ୍ରତି ଏଲେସ୍ଙ୍କ ଅବଦାନକୁ ନେଇ ଗତବର୍ଷ ଅକ୍ଟୋବରରେ ତାଙ୍କୁ ନୋବେଲ ଶାନ୍ତି ପୁରସ୍କାର ପ୍ରଦାନ କରାଯାଇଥିଲା । ଋଷୀୟ ମାନବାଧିକାର ଗୋଷ୍ଠୀ 'ମେମୋରିଆଲ୍' ଏବଂ ୟୁକ୍ରେନ୍ର 'ସେଣ୍ଟର ଫର୍ ସିଭିଲ ଲିବର୍ଟିଜ୍' ସହ ଏଲେସ୍ ମିଳିତ ଭାବେ ଏହାକୁ ଗ୍ରହଣ କରିଥିଲେ । 2020ରେ ଆଲେକ୍ଜାଣ୍ଡାର ଲୋକୋଶେଙ୍କୁ ବେଲାରୁଷ ରାଷ୍ଟ୍ରପତି ନିର୍ବାଚିତ ହେବା ପରେ ସରକାର ବିରୋଧୀ ବିକ୍ଷୋଭର ସେ ଜଣେ ପ୍ରମୁଖ ଚେହେରା ।
ଏଲେସ୍ ଓ ତାଙ୍କ ଦୁଇଜଣ ସହଯୋଗୀଙ୍କୁ 2021 ରେ ଗିରଫ କରାଯାଇଥିଲା। ଯାଞ୍ଚରୁ ଜଣା ପଦିଥିଲା କି ଏଲେସ୍ ଓ ତାଙ୍କ ସହଯୋଗି ଜେଲରେ ଥିବା ଆନ୍ଦୋଳନକାରୀମାନଙ୍କୁ ତାଙ୍କ ସଂସ୍ଥା ଆଇନଗତ ଓ ଆର୍ଥିକ ସହାୟତା ଦେଇଥିଲା । ବେଲାଋଷରେ ଏହି କାର୍ଯ୍ୟକୁ ଆଇନ ଆନୁଯାୟୀ ଅପରାଧ ଭାବେ ବିବେଚନା କରାଯାଏ । ଏହାସହ ଏହି କାର୍ଯ୍ୟ ପାଇଁ ବର୍ଷର କାରାଦଣ୍ଡାଦେଶ ରହିଛି । ଅଭିଯୋଗକାରୀ ପକ୍ଷମାନେ ଏଲେସ୍ଙ୍କୁ 12 ବର୍ଷ ଜେଲଦଣ୍ଡ ଦିଆଯାଉ ବୋଲି ମିନ୍ସ୍କ କୋର୍ଟଙ୍କୁ ନିବେଦନ କରିଥିଲେ । ନିର୍ବାସିତ ବେଲାଋଷୀୟ ବିରୋଧୀ ନେତା ସିଆଟଲାନା ତିଖାନୋଉସକାୟା ଟ୍ବିଟ୍ କରି କହିଛନ୍ତି, ‘‘ଏଲେସ୍ ଏବଂ ଅନ୍ୟ ଆକ୍ଟିଭିଷ୍ଟମାନଙ୍କୁ ଉପଯୁକ୍ତ ଶୁଣାଣି ନକରି ଦଣ୍ଡିତ କରାଯାଇଛି । ଏହାକୁ ଉପର କୋର୍ଟରେ ଚ୍ୟାଲେଞ୍ଜ କରାଯିବା ଉଚିତ । ଏହାର ଉଚ୍ଚସ୍ତରୀୟ ତଦନ୍ତ କରାଯାଉ । ଏହି ଲଜ୍ଜାକର ଅନ୍ୟାୟ ବିରୋଧରେ ଆମେ ଲଢ଼େଇ କରି ସେମାନଙ୍କୁ ମୁକ୍ତ କରିବୁ ବୋଲି କହିଛନ୍ତି ତିଖାନୋଉସକାୟା ।
