ଅବୁଜା: ଚଳନ୍ତା ବସରେ ନିଆଁ ଲାଗି ୫ ମୃତ ଓ ୯ ଆହତ । ଗତକାଲି(ବୁଧବାର) ନାଇଜେରିଆର ଲାଗୋସ୍-ଇବାଡାନ ରାଜପଥରେ ଘଟିଛି ଏହି ଅଘଟଣ । ଫଳରେ ଦୁର୍ଘଟଣାରେ ୫ଜଣଙ୍କ ମୃତ୍ୟୁ ହୋଇଥିବା ବେଳେ ୯ ଜଣ ଆହତ ହୋଇଛନ୍ତି । ଏନେଇ ସ୍ଥାନୀୟ ଟ୍ରାଫିକ ପୋଲିସ ତରଫରୁ ସୂଚନା ଦିଆଯାଇଛି ।
ଦକ୍ଷିଣ ରାଜ୍ୟ ଓଗୁନର କେନ୍ଦ୍ର ସଡକ ସୁରକ୍ଷା ଅଧିକାରୀ (FRSC)ଅହମ୍ମଦ ଉମର କହିଛନ୍ତି ଯେ, ଚଳନ୍ତା ବସରେ ଯାନ୍ତ୍ରିକ ତ୍ରୁଟି ଦେଖାଯିବା କାରଣରୁ ରାଜପଥର ଓଗୁନ୍ କରିଡର କୂଳରେ ଥିବା ଓଗେରେରେ ଏହି ଅଗ୍ନିକାଣ୍ଡ ଘଟିଥିଲା । ଏହି ଦୁର୍ଘଟଣାରେ ୫ ଜଣ ପୋଡି ଜୀବନ୍ତ ଦଗ୍ଧ ହୋଇଯାଇଥିବା ବେଳେ ଜଣ ଗୁରୁତର ଆହତ ହୋଇଛନ୍ତି । ଆହତମାନଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଯାତ୍ରୀଙ୍କ ଜୀବନ ପ୍ରତି ବିପଦ ନହେବା ପାଇଁ FRSC ଅଧିକାରୀ ମୋଟର ଚାଳକମାନଙ୍କୁ ସେମାନଙ୍କ ଗାଡିର ସଡ଼କ ଫିଟନେସକୁ ସୁନିଶ୍ଚିତ କରିବାକୁ ପରାମର୍ଶ ଦେଇଛନ୍ତି।
