ତେଲ ଅଭିଭ୍: ମଙ୍ଗଳବାର ଇସ୍ରାଏଲର ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ଟ୍ବିଟରରେ ନିଜର କଭର ଫଟୋ ବଦଳାଇ ଦେଇଛନ୍ତି । କଭର୍ ଫଟୋରେ ସେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଏକ ଫଟୋ ଦେଇଥିଲେ । ଏହି ଫଟୋରେ ନେତାନ୍ୟାହୁ ଟୀକାକରଣ କରୁଥିବା ନଜର ଆସିଥିଲେ ।
ହ୍ବାଇଟ ହାଉସର ଏକ ବୈଠକରେ ନେତାନ୍ୟାହୁ ଟ୍ରମ୍ପଙ୍କ ପାଖରେ ବସିଥିଲେ । ଦୁଇ ନେତାଙ୍କ ମିଳିତ ଫଟୋ ପ୍ରଧାନମନ୍ତ୍ରୀଙ୍କ ଅଫିସିଆଲ୍ ଟ୍ବିଟରରେ ଥିଲା। ଏହି ଫଟୋ ଇସ୍ରାଏଲ ଏବଂ ଟ୍ରମ୍ପ ନେତୃତ୍ବାଧୀନ ଆମେରିକା ପ୍ରଶାସନ ମଧ୍ୟରେ ବନ୍ଧୁତା ଏବଂ ଘନିଷ୍ଠ ସମ୍ପର୍କକୁ ଦର୍ଶାଇଥିଲା ।
ନେତାନ୍ୟାହୁଙ୍କ ଟ୍ବିଟର ପ୍ରୋଫାଇଲରେ ଥିବା ନୂତନ ଫଟୋରେ କୁହାଯାଇଛି ଯେ ଇସ୍ରାଏଲର ନାଗରିକ, ଆମେ ଜୀବନକୁ ଫେରିପାରିଛୁ । ତାଙ୍କ ଆକାଉଣ୍ଟରେ କଭର୍ ଫଟୋ ବଦଳାଇବା ଉପରେ କୌଣସି ମନ୍ତବ୍ୟ ଦିଆଯାଇ ନାହିଁ। ଏହି ସମୟରେ ଆମେରିକାର କ୍ୟାପିଟାଲରେ ଜାନୁଆରୀ 6 ରେ ହୋଇଥିବା ଦଙ୍ଗା ପରେ ଟ୍ରମ୍ପଙ୍କୁ ସମସ୍ତ ପ୍ରମୁଖ ସୋସିଆଲ ମିଡିଆରୁ ବ୍ୟାନ କରାଯାଇଛି । ଏହି ଦଙ୍ଗାରେ 5 ଜଣଙ୍କ ମୃତ୍ୟୁ ଘଟିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
