ତେହରାନ: ମଧ୍ୟପ୍ରାଚ୍ୟ ରାଷ୍ଟ୍ର ଇରାନରେ କୋରୋନା ସ୍ଥିତି ଅତ୍ୟନ୍ତ ଭୟଙ୍କର ପାଲଟିଛି । କୋଭିଡ 19ର ପ୍ରକୋପ ଏଠାରେ ଥମିବାର ନାମ ନେଉନାହିଁ । ଦେଶରେ ଆକ୍ରାନ୍ତଙ୍କ ସଂଖ୍ୟା ଧିରେ ଧିରେ ଲକ୍ଷାଧିକ ମୁହାଁ ହେଉଛି ।
ଗୁରୁବାର ସ୍ବାସ୍ଥ୍ୟ ମନ୍ତ୍ରଣାଳୟର ସୂଚନାନୁସାରେ ଗତ 24 ଘଣ୍ଟାରେ ଇରାନରେ 71 ଜଣଙ୍କର ମୃତ୍ୟୁ ହୋଇଛି । ଫଳରେ ଏଠାରେ ମୋଟ ମୃତ୍ୟୁ 6028କୁ ବୃଦ୍ଧି ପାଇଛି । ସେହିପରି ଗୁରୁବାର ଆକ୍ରାନ୍ତଙ୍କ ସଂଖ୍ୟାରେ ମଧ୍ୟ ଅନେକ ବୃଦ୍ଧି ଘଟିଛି । ପ୍ରତିଦିନ ହଜାର ହଜାର ସଂଖ୍ୟାରେ ଆକ୍ରାନ୍ତ ବାହାରୁଥିବା ମନ୍ତ୍ରଣାଳୟ ସୂଚନା ଦେଇଛି ।
ତେବେ ଏବେ ସୁଦ୍ଧା ଦେଶରେ ମୋଟ 94 ହଜାର 640 ଜଣ ଆକ୍ରାନ୍ତ ସ୍ପଷ୍ଟ ହୋଇଛନ୍ତି । ସେହିପରି 75 ହଜାର 103 ଜଣ ସୁସ୍ଥ ହୋଇ ଡିସଚାର୍ଜ ହୋଇଛନ୍ତି । ମଧ୍ୟପ୍ରାଚ୍ୟ ରାଷ୍ଟଙ୍କ ମଧ୍ୟରେ ଇରାନର ସ୍ଥିତି ଅଧିକ ଖରାପ ରହିଛି ।
