ଆବୁଧାବି: କୋରୋନା କାଳରେ କରୋଡପତି ହେଲେ ଭାରତୀୟ । ଲକଡାଉନ ସମୟରେ ଲଟେରୀ ଖୋଲିଲା ଲକ । ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରାଜଧାନୀରେ ବିଗ୍ ଟିକେଟ୍ ଲକି ଡ୍ରରେ ଭାରତୀୟ ନାଗରିକ 10 ମିଲିୟନ୍ ଦିରହମ୍ ଅର୍ଥାତ୍ 20ଲକ୍ଷ ଡଲାର ଜିତିଛନ୍ତି । ଯାହାର ଭାରତୀୟ ମୁଦ୍ରାରେ ମୂଲ୍ୟ 15କୋଟି13ଲକ୍ଷ 30 ହଜାର ହେବ ।
ରିପୋର୍ଟ ଅନୁସାରେ କେରଳର ଦିଲୀପକୁମାର ଏଲେକୋଟିଲ୍ ପରମେଶ୍ବରନ୍ ରବିବାର ଏହି ବିପୁଳ ଅର୍ଥରାଶି ଜିତିଛନ୍ତ । ସେ 14 ଏପ୍ରିଲରେ ଅନଲାଇନରେ ଟିକେଟ କିଣିଥିଲେ।
ପରମେଶ୍ବରନ କହିଛନ୍ତି ଯେ ମୋର 7ଲକ୍ଷ ଦିରହମ ଋଣ ଅଛି । ତେଣୁ ଏହି ଲଟେରୀ ଟଙ୍କାରେ ପ୍ରଥମେ ଋଣ ପରିଶୋଧ କରିବି । ନଗଦ ପୁରସ୍କାର ଏବଂ ବିଳାସପୂର୍ଣ୍ଣ କାର ପାଇଁ ଆବୁଧାବିରେ ମାସିକ ବିଗ୍ ଟିକେଟ ଅନୁଷ୍ଠିତ ହୋଇଥାଏ । ଏହାର ଟିକେଟ୍ ଅନଲାଇନରେ କିମ୍ବା ଆବୁଧାବି ବିମାନବନ୍ଦର ଏବଂ ଅଲ ଏନ ବିମାନବନ୍ଦର ବିଭାଗର ଡ୍ୟୁଟି ଫିରୁ କ୍ରୟ କରାଯାଇପାରିବ |
@IANS
