ଅଙ୍କାରା: ତୁର୍କୀ ଓ ଗ୍ରୀସରେ ବଡ ଧରଣର ଭୂମିକମ୍ପ ନେଇ ଖବର ସାମ୍ନାକୁ ଆସିଛି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା ରହିଛି 7.0 । ୟୁଏସ ଜିୟୋଲୋଜିକାଲ ସର୍ଭେ ଅନୁଯାୟୀ ପଶ୍ଚିମ ଇଜମିର ରାଜ୍ୟର ସମୁଦ୍ର ଉପକୂଳରୁ ପ୍ରାୟ 17 କିଲୋମିଟର ଦୂରରେ ଏହି ଭୂମିକମ୍ପର ଝଟକା ଅନୁଭୂତ ହୋଇଛି ।
ଭୂମିକମ୍ପ ଯୋଗୁଁ ତୁର୍କୀରେ ବ୍ୟାପକ କ୍ଷୟକ୍ଷତି ହୋଇଥିବା ନେଇ ଚିତ୍ର ସାମ୍ନାକୁ ଆସିଛି । ଭୂମିକମ୍ପର ଝଟକା ଏତେ ତୀବ୍ର ଥିଲା ଯେ, ଏହା ପ୍ରଭାବରେ ଅନେକ ଘର ଭାଙ୍ଗି ନଷ୍ଟ ହୋଇଯାଇଛି । ଶକ୍ତିଶାଳୀ ଭୂକମ୍ପରେ 6 ମୃତାହତ ହୋଇଥିବା ବେଳେ 100ରୁ ଊର୍ଦ୍ଧ୍ବ ଆହାତ ହୋଇଛନ୍ତି ।
ଗ୍ରୀସ ଓ ତୁର୍କୀରେ ହୋଇଥିବା ଭୂମିକମ୍ପ ଯୋଗୁଁ ସାମୋସ ବନ୍ଦରରେ ସୁନାମୀ ନେଇ ଆଲର୍ଟ ଜାରି କରାଯାଇଛି । ତେବେ ବର୍ତ୍ତମାନ ପର୍ଯ୍ୟନ୍ତ ମୃତାହତ ନେଇ କୌଣସି ଖବର ହସ୍ତଗତ ହୋଇନାହିଁ ।
ଗତ ବର୍ଷ ଜାନୁଆରୀରେ ମଧ୍ୟ ତୁର୍କୀରେ ବଡ ଧରଣର ଭୂମିକମ୍ପ ଅନୁଭୂତ ହୋଇଥିଲା । ଏଥିରେ 30 ଜଣଙ୍କର ମୃତ୍ୟୁ ହୋଇଥିବା ବେଳେ 1600ରୁ ଅଧିକ ଆହତ ହୋଇଥିଲେ । ସେହିପରି 1999 ମସିହାରେ ହୋଇଥିବା ଭୂମିକମ୍ପରେ ତୁର୍କୀରେ 17,000 ଲୋକଙ୍କର ମୃତ୍ୟୁ ହୋଇଥିଲା ଏବଂ 250,000 ପ୍ରଭାବିତ ହୋଇଥିଲେ ।
