ମସ୍କୋ: ବିଶ୍ବରେ ଆତଙ୍କ ଜାରି ରଖିଥିବା କୋରୋନା ଭାଇରସ ଏବେ ଆହୁରି ଭୟଙ୍କର ହେବାରେ ଲାଗିଛି । ପୂର୍ବରୁ କମ ସଂକ୍ରମଣ ଥିବା ରାଷ୍ଟ୍ରରେ ଏବେ କୋରୋନା ମାମଲା ବଢିବାରେ ଲାଗୁଛି । ତନ୍ମଧ୍ୟରୁ ରୁଷ ଅନ୍ୟତମ । ସୋମବାର ରୁଷ କୋରୋନା ଭାଇରସର 2558ଟି ନୂଆ ମାମଲା ରିପୋର୍ଟ କରିଛି । ଯାହା ଦୈନିକ ରେକର୍ଡଠୁ ବୃଦ୍ଧି ପାଇଛି ।
ଏବେ ସାରା ଦେଶରେ 18,328 କୋରୋନା ସଂକ୍ରମଣ ରିପୋର୍ଟରେ ପହଞ୍ଚିଛି । ରୁଷରେ କୋରୋନା ଭାଇରସ୍ ସଙ୍କଟରେ ଏପର୍ଯ୍ୟନ୍ତ 148 ଜଣଙ୍କର ମୃତ୍ୟୁ ଘଟିଛି ।
ଏଠାରେ ସୂଚନାଯୋଗ୍ୟ ଯେ, ବର୍ତ୍ତମାନ ସାରା ବିଶ୍ବରେ 18ଲକ୍ଷ 66ହଜାର 654 କୋରୋନା ସଂକ୍ରମଣର ରିପୋର୍ଟ ସାମ୍ନାକୁ ଆସିଛି । 1,15,269 ଜଣଙ୍କ ପ୍ରାଣ ନେଇଛି କୋରୋନା ମହାମାରୀ । ଏପଟେ 4,34,054 ଜଣ କୋରୋନା କବଳରୁ ରକ୍ଷା ପାଇଛନ୍ତି ।
