ଲଣ୍ଡନ: ୟୁକେର ଯୁବରାଜ ୱିଲିୟମ ନିକଟରେ କରିଛନ୍ତି ଏକ ବଡ ଖୁଲାସା । କୋରୋନା ମହାମାରୀ ସମୟରେ ସେ ଗୁପ୍ତ ଭାବେ ଲୋକଙ୍କ ସହାୟତା ପାଇଁ ଏକ ହେଲ୍ପ ଲାଇନରେ ଭଲ୍ୟୁଣ୍ଟିୟର ଭାବେ କାର୍ଯ୍ୟରତ ଥିଲେ ବୋଲି ପ୍ରକାଶ କରିଛନ୍ତି । ସେ ଶାଉଟ 85258ରେ କାର୍ଯ୍ୟରତ ଥିଲେ ବୋଲି ଖୁଲାସା କରି ଶନିବାର କହିଛନ୍ତି । ଲୋକେ ବ୍ୟକ୍ତିଗତ ଅସୁବିଧାରେ ଥିବା ସମୟରେ ଏହି ହେଲ୍ପ ଲାଇନ ସଂସ୍ଥା ମେସେଜ ମାଧ୍ୟମରେ ସାହାଯ୍ୟ କରିଥାଏ ।
କେମ୍ବ୍ରିଜ, ଡ୍ୟୁକ୍ ଓ ଡଚ୍ଙ୍କ ସହାୟତାରେ ଏହି ହେଲ୍ପ ଲାଇନ ଗତବର୍ଷ ପ୍ରତିଷ୍ଠା ହୋଇଥିଲା । ଯେଉଁଥିରେ ରାଜପରିବାରର 3 ମିଲିୟନ ପାଉଣ୍ଡ ସହାୟତା ସାମିଲ ହୋଇଥିଲା । ତେବେ ଗତବର୍ଷଠାରୁ ଏବର୍ଷ ମଧ୍ୟରେ ଏଯାବତ୍ 3 ଲକ୍ଷ ମେସେଜରେ ଯୋଗାଯୋଗ ସମ୍ଭବ ହୋଇପାରିଛି । ଏଥିରେ ପ୍ରାୟ 65 ପ୍ରତିଶତ ଲୋକେ 25 ବର୍ଷୀୟ ହୋଇଥିବା ଏକ ସର୍ଭେରୁ ଜଣା ପଡିଥିଲା । ଏହି ଯୁବବର୍ଗ ମୁଖ୍ୟତଃ ମାନସିକ ଶାନ୍ତି ପାଇଁ ସାହାଯ୍ୟ ମାଗୁଥିବା ଦେଖିବାକୁ ମିଳିଛି ।
ଏହି ସମସ୍ୟାର ସମାଧାନ ପାଇଁ ମେଣ୍ଟାଲ ହେଲଥ ଚ୍ୟାରିଟି ଦ୍ବାରା ତାଲିମ ଗ୍ରହଣ କରିବା ପରେ ଯୁବରାଜ ୱିଲିୟମ ଏହି ସଂସ୍ଥାରେ ମେସେଜର ଉତ୍ତର ଦେଇ ଲୋକଙ୍କୁ ସାହାଯ୍ୟ କରୁଛନ୍ତି । ଚଳିତସପ୍ତାହ ୟୁକେରେ ଭଲ୍ୟୁଣ୍ଟିୟର ସପ୍ତାହ ପାଳନ ଚାଲିଥିବା ବେଳେ ରାଜପରିବାର ପକ୍ଷରୁ ଯୁବରାଜଙ୍କ ଏହି ଅବଦାନ ଘୋଷଣା କରାଯାଇଥିଲା ।
@IANS
