କାବୁଲ: ଆଫଗାନିସ୍ତାନ ଓ ତାଲିବାନ ମଧ୍ୟରେ ସ୍ବାକ୍ଷରିତ ଚୁକ୍ତି ମୁତାବକ ସୋମବାର 14 ଜଣ ଆଫଗାନୀ ପୋଲିସ ଓ ସୁରକ୍ଷାକର୍ମୀଙ୍କୁ ତାଲିବାନ ମୁକ୍ତ କରିଛି । ଆଫଗାନିସ୍ତାନର ବିଭିନ୍ନ ପ୍ରାନ୍ତରେ ଏହି ବନ୍ଦୀମାନଙ୍କୁ ମୁକ୍ତ କରାଯାଇଥିବା ନେଇ ସ୍ପଷ୍ଟ କରିଥିଲେ ତାଲିବାନ ସରକାରୀ ମୁଖପାତ୍ର ସୁହୈଲ ଶାହୀନ । ଏ ସମ୍ବନ୍ଧରେ ଟ୍ବିଟରେ ସୂଚନା ଦେଇ ଶାହୀନ କହିଥିଲେ କି ଇମସାମିକ ଧର୍ମୀୟ ଲୋଗାର, ନାଙ୍ଗରହାର ଓ ନୁରିସ୍ତାନ ପ୍ରାନ୍ତରେ ଏହି ବନ୍ଦୀମାନଙ୍କୁ ମୁକ୍ତ କରାଯାଇଛି ।
ଆଫଗାନିସ୍ତାନ ଓ ତାଲିବାନ ମଧ୍ୟରେ ଇଣ୍ଟ୍ରା-ଆଫଗାନ ଚୁକ୍ତିର ଆଲୋଚନା ଆରମ୍ଭ କରିବା ପାଇଁ ଉଭୟ ଦେଶ ମଧ୍ୟରେ ବନ୍ଦୀ ହସ୍ତାନ୍ତର ପ୍ରକ୍ରିୟାକୁ ତ୍ବରାନ୍ବିତ କରିବାର ନିଷ୍ପତ୍ତି ନିଆଯାଇଛି । ଏନେଇ ତାଲିବାନର ରାଜନୈତିକ କାର୍ଯ୍ୟାଳୟ ମୁଖ୍ୟ ବରାଦର ଅଖୁଣ୍ଡ ଆଫଗାନିସ୍ତାନର ମିଳିତ ରାଷ୍ଟ୍ର ସହାୟତା ମିଶନ ମୁଖ୍ୟ ଦେବୋରା ଲିଓନଙ୍କ ସହ କତାର ରାଜଧାନୀ ଦୋହାରେ ସାକ୍ଷାତ କରିଥିଲେ । ଏହି ଆଲୋଚନାରେ ବନ୍ଦୀ ହସ୍ତାନ୍ତର ପ୍ରକ୍ରିୟାର ସମାପ୍ତି ପରେ ଇଣ୍ଟ୍ରା-ଆଫଗାନ ଚୁକ୍ତିର ଆଲୋଚନା ହେବା ନେଇ ନିଷ୍ପତ୍ତି ହୋଇଥିଲା ।
ତାଲିବାନ-ଆମେରିକା ମଧ୍ୟରେ ସ୍ବାକ୍ଷରିତ ଚୁକ୍ତି ମୁତାବକ ବର୍ତ୍ତମାନ ସୁଦ୍ଧା 5000 ବନ୍ଦୀଙ୍କ ମଧ୍ୟରୁ ଆଫଗାନ ସରକାର 3000ରୁ ଉର୍ଦ୍ଧ୍ବ ତାଲିବାନୀ ବନ୍ଦୀଙ୍କୁ ମୁକ୍ତ କରିସାରିଛନ୍ତି । ସେପଟେ ତାଲିବାନୀ ଆକ୍ରମଣ ଦ୍ବାରା ଆଫଗାନିସ୍ତାନରେ ସପ୍ତାହେ ମଧ୍ୟରେ 291 ଜଣ ଜବାନଙ୍କ ମୃତ୍ୟୁ ହୋଇଥିବା ଆଫଗାନ ସରକାର ସ୍ପଷ୍ଟ କରିଛନ୍ତି ।
@ANI
