ସିଓଲ: ସାଉଥ କୋରିଆରେ ଶୁକ୍ରବାର ଆଉ 52 ଜଣ କୋରୋନାରେ ପୀଡିତ ହୋଇଛନ୍ତି । ଫଳରେ ଆକ୍ରାନ୍ତଙ୍କ ସଂଖ୍ୟା 156କୁ ବୃଦ୍ଧି ପାଇଛି । ଏନେଇ ସାଉଥକୋରିଆର ଗଣମାଧ୍ୟମ ପକ୍ଷରୁ ପ୍ରକାଶ କରାଯାଇଛି ।
ଆକ୍ରାନ୍ତ 52 ଜଣଙ୍କ ମଧ୍ୟରୁ 39 ଜଣ ଡାଏଗୁ ଦକ୍ଷିଣ ସହରର ବାସିନ୍ଦା ହୋଇଥିବା ନେଇ କୋରିଆର ରୋଗ ନିୟନ୍ତ୍ରଣ ଓ ନିବାରଣ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ନୋଭେଲ କୋରୋନା ଦ୍ବାରା ଚୀନରେ ସର୍ବାଧିକ ଆକ୍ରାନ୍ତ ହୋଇଥିବା ବେଳେ ସାଉଥ କୋରିଆରେ ଦ୍ବିତୀୟ ସର୍ବାଧିକ ଲୋକ ଆକ୍ରାନ୍ତ ହୋଇଛନ୍ତି । ଯାହା ସାଉଥ କୋରିଆ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି ।
ଅନ୍ୟପକ୍ଷରେ ଚୀନରେ କୋରୋନା ପୀଡିତଙ୍କ ମୃତ୍ୟୁ ସଂଖ୍ୟା 2233ରେ ପହଞ୍ଚିଛି । ସେହିଭଳି 75 ହଜାରରୁ ଅଧିକ ଲୋକ ଆକ୍ରାନ୍ତ ହୋଇଛନ୍ତି । ଭାଇରସର ଉତ୍ପତ୍ତି ସ୍ଥଳ ହୁବେଇରେ ଏହି ଭାଇରସ ମହାମାରୀ ରୂପ ନେବାରେ ଲାଗିଛି ।
@ANI
