ସିଓଲ: ଦକ୍ଷିଣ କୋରିଆରେ ଜନୈକ କିନ୍ନର ଯବାନଙ୍କ ପୁନଃନିଯୁକ୍ତି ପ୍ରକ୍ରିୟାକୁ ସେନା ବାରଣ କରିଥିବା ଜଣାପଡିଛି । ସମ୍ପୃକ୍ତ ଯବାନ ଜଣଙ୍କୁ ପୁନଃ ଲିଙ୍ଗ ନିର୍ଦ୍ଧାରଣ ପ୍ରକ୍ରିୟା ପରେ ଜୋର ଜବରଦସ୍ତି ଛୁଟିରେ ପଠାଯାଇଥିଲା । ଏହାପରେ ସେ ପୁନଃନିଯୁକ୍ତି ପାଇଁ ଅନୁମତି ମାଗିଥିବା ବେଳେ ଏହାକୁ ସେନା ଖାରଜ କରିଥିବା ଜଣା ପଡିଛି ।
ସୂଚନା ମୁତାବକ,22 ବର୍ଷୀୟ ବ୍ୟୁନ ହି ସୁଙ୍କ ଫେବୃଆରୀ ମାସରେ ଏକ ମେଡିକାଲ ଯାଞ୍ଚ ପରେ କାର୍ଯ୍ୟ ସାମିଲ ହେବାକୁ ଦିଆଯାଇନଥିଲା । ସେ ସେନାରେ କାର୍ଯ୍ୟ ଜାରି ରଖିବା ପାଇଁ ଅକ୍ଷମ ଥିବା ରିପୋର୍ଟରେ ପ୍ରକାଶ କରିବା ପରେ ତାଙ୍କୁ ଜବରଦସ୍ତି ଛୁଟିରେ ପଠାଯାଇଥିଲା । ପରେ ସେ ଯେବେ ପୁନଃସ୍ଥାପନା ପାଇଁ ଅନୁମତି ମାଗିଥିଲେ ସେହି ସମୟରେ ତାଙ୍କ ନିବେଦନକୁ ସେନା ଖାରଜ କରିଥିଲା ।
ବ୍ୟୁନ ଥାଇଲାଣ୍ଡରେ ଗତବର୍ଷ ଲିଙ୍ଗ ପରିବର୍ତ୍ତନ ପାଇଁ ଏକ ସର୍ଜରୀ କରାଇଥିଲେ । ଯେଉଁଥିରେ ସେ କିନ୍ନରରୁ ନିଜକୁ ମହିଳାରେ ପରିଣତ କରିଥିଲେ । ଏହି ସର୍ଜରୀ ପରେ ସେ ଦକ୍ଷିଣ କୋରିଆ ସେନାରେ ଜଣେ ମହିଳା ଭାବେ ସେବା ଯୋଗାଇବା ପାଇଁ ସ୍ଥିର କରିଥିଲେ । ଯାହା ପରେ ତାଙ୍କୁ ତତକାଳୀନ ମିଲିଟାରୀ ପରିଚାଳନା ଆଇନ ଅନୁଯାୟୀ ଅକ୍ଷମ ଘୋଷଣା କରାଯାଇ ଛୁଟିରେ ପଠାଯାଇଥିଲା । ତେହେ ଏହି ନିଷ୍ପତ୍ତିକୁ ବିରୋଧ କରି ବ୍ୟୁନ ଚଳିତ ମିଲିଟାରୀ ପରିଚାଳନା କମିଟିରେ ଏକ ପିଟିସନ ଦାଖଲ କରିଥିଲେ । ଆଶ୍ଚର୍ଯ୍ୟକର ଭାବେ ଚଳିତ କମିଟି ମଧ୍ୟ ବ୍ୟୁନଙ୍କ ଅଭିଯୋଗକୁ ଖାରଜ କରିବା ସହ ତାଙ୍କ ପ୍ରତି ନିଆଯାଇଥିବା ନିଷ୍ପତ୍ତିକୁ ଆଇନସଙ୍ଗତ ବୋଲି ପ୍ରକାଶ କରିଛି । ତେବେ ଏହି ମାମଲା ଖାରଜ ହେବା ବ୍ୟୁନ କୋର୍ଟର ଦ୍ବାରସ୍ଥ ହେବା ପାଇଁ ସ୍ଥିର କରିଛନ୍ତି । ତେଣେ ଦକ୍ଷିଣ କୋରିଆ ସେନାରେ ବ୍ୟୁନ ପ୍ରଥମ ଅଧିକାରୀ ଭାବେ ଲିଙ୍ଗ ପରିବର୍ତ୍ତନ କରାଇଥିଲେ ।
@IANS
